گاڤ

سەرۆک نێچیرڤان بارزانی ژبەر پەقینا ئەڤرۆ یا بەندەرێ شەهید ڕەجایی ل باژێرێ بەندەرعەباس چێبوویی سەرەخۆشی ل کۆمارا ئیسلامی یا ئیرانێ کر. سەرۆکایەتییا هەرێمێ راگەهاند؛ هەڤسۆز و ھەڤخەمێن واینە.

نێچیرڤان بارزانی، سەرۆکێ هەرێما کوردستانێ، ئەڤرۆ، شەمبییێ، 2025-04-26، ل دۆر پەقینا ئەڤرۆ یا ل بەندەر عەباس چێبوویی، پەیامەک بەلاڤکر و گۆت: سەرەخۆشییێن خۆ یێن کویر ئاراستەی سەرکردایەتییا کۆمارا ئیسلامی یا ئیرانێ، خێزان و کەسوکارێن قوربانییێن ڤێ پەقینێ دکەین. هەڤسۆز و ھەڤخەمێن واینە.

هەروەسا سەرۆک نێچیرڤان بارزانى گۆت ژی؛ داخوازێ ژ خودایێ مەزن دکەم گیانێ قوربانییان شاد بکەت، سەبر و هەدارێ بدەتە هەمی ئالییەکی. هیڤییا زوی ساخبوونا برینداران و سلامەتی و ئارامییێ بۆ گەلێ دۆست یێ ئیرانێ دخوازین.

ئەڤرۆ، شەمبییێ، 2025-04-26، ل بەندەرعەباس یێ وەلاتێ ئیرانێ پەقینەک چێبوو. ل دویڤ چەند ژێدەران چار کەسان ژیانا خۆ ژدەستدا و پتر ژ 600 کەسان برینداربوون.