گاڤ

سەرۆک نێچیرڤان بارزانی، ئەڤرۆ، پيرۆزباهی ل سه‌ركه‌فتنا کۆنگرەیێ ئێکرێزی و ئێكهەلوەستییا کوردان کر. سەرۆکایەتییا هەرێمێ راگەهاند؛ دلێ گەلێ کوردستانێ ل هەر جهەکی خۆش بوو.

نێچیرڤان بارزانی، سەرۆکێ هەرێما کوردستانێ، ئەڤرۆ، شەمبییێ، 2025-04-26، ل دۆر کۆنگرەیێ نەتەوەیی یێ کوردی ل رۆژئاڤا پەیامەک بەلاڤکر و گۆت: دەستخۆشییێ ل رێزدار مه‌زلووم عه‌بدى،  ئەنەکەسە و هه‌می وان خویشك و برایان دکەم یێن کار و بزاڤ بۆ بجهئینانا کۆنگرەیێ ئێکرێزی و هەڤهەلوەستییا کوردان کری.

سەرۆک نێچیرڤان بارزانی دیارکر ژی؛ بۆ سەرکەفتنا ڤی کۆنگرەی پیرۆزباهییێ ل هەمییان دکەم، جهێ خۆشحالییێ یە و دلێ گەلێ کوردستانێ ل هەر جهەکی خۆش بوو.

هەروەسا گۆت ژی: هیڤیخوازم ئەڤ کۆنگرە بیتە ئەگەرێ بهێزکرنا ئێکرێزی و ئێكهەلوەستییا کوردان و ئەڤە ئێکانە رێکە بۆ مسۆگەرکرنا مافێن کوردان ل سووریا.

ئەوژی دیارکر؛ هەمی پشتەڤانی و هاریکارییان بۆ ڤان بزاڤێن دلسۆزانە، مافێن رەوا یێن گەلێ کورد، هەمی پێکهاتەیان، ئارامی و سەقامگیرییێ، ئاشتییێ ل سووریا و ناوچەیێ دوپات دکەین.