راگەهاندنەک ژ شاهێ ئوردنێ دەربارەی کۆمبوونا ل گەل سەرۆک نێچیرڤان بارزانی
04/27/2025 - 20:28
بەلاڤ بکە
گاڤ
ئەڤرۆ پشتی نیڤرۆ سەرۆک نێچیرڤان بارزانی ل گەل شاهـ عەبدوللا، شاهێ ئوردنێ کۆمبوو و مالپەرێ فەرمی یێ شاهێ ئوردنێ راگەهاندنەک بەلاڤکر.
د راگەهاندنێ دا هاتیە "د کۆمبوونێ دا پەیوەندیێن براینی د ناڤبەرا ئوردن و ئیراقێ دا و رێکارێن بهێزکرنا هەڤپشکیێ د ناڤبەرا شاهنشینێ و هەرێما کوردستانێ دا د گەلەک بواران دا هاتنە بەحسکرن".
هەروەسا هاتیە "شاهی دوپاتی ل گرنگیا زێدەکرنا رێکارێن هەرێمی و نێڤدەولەتی ژبۆ گەهشتنا ئاشتیا گشتی ل دەڤەرێ کر، کو دێ بیتە ئەگەرێ بهێزکرنا ئێمناهی و سەقامگیریێ".
د راگەهاندنێ دا هاتیە ژی"دویماهی پێشهاتێن دەڤەرێ، تایبەت پرسا غەززە، کەرتێ رۆژئاڤا، سووریێ و لبنانێ هاتنە بەحسکرن".
" ژ ئالیێ خۆڤە ژی سەرۆک بارزانی سۆپاسیا رۆل و هەلوەستێن ئوردنێ کر کو بەردەوام پشتەڤانیا ئیراق و هەرێما کوردستانێ دکەت"
