ئه‌ڤرۆ ئێكه‌مین كۆنفرانسێ زانستى یێ ئێزدییان دێ هێته سازكرن
04/29/2025 - 10:04
بەلاڤ بکە
گاڤ
ب چاڤدێرییا سه‌رۆكوه‌زیرێن هه‌رێمێ ئێكه‌مین كۆنفرانسێ زانستى یێ نێڤده‌وله‌تى یێ تایبه‌ت ب ئێزدییان ڤه دێ هێته سازكرن.
ئه‌ڤرۆ سێشه‌مبێ 29-4-2025ێ ب چاڤدێرییا مه‌سروور بارزانى، سه‌رۆكێ حكومه‌تا هه‌رێما كوردستانێ ئێكه‌مین كۆنفرانسێ نێڤده‌وله‌تى یێ ئێزدییان ل دۆر ئاین، كلتۆر، دیرۆك و جوگرافیا دێ ده‌ست پێكه‌ت و سوبه‌هى چارشه‌مبێ ژى دێ به‌رده‌وام بیت.
كۆنفرانس ژ ئالیێ بنگه‌هێ لالش یێ ره‌وشه‌نبیرى و كۆمه‌لایه‌تى و زانكۆیا دهۆكێ ڤه هاتییه رێكخستن و ل سه‌نته‌رێ كۆنفرانسان ل زانكۆیا دهۆكێ دێ هێته برێڤه‌برن.
ئه‌ڤ كۆنفرانسێ ئێزدییان دبیته ئێكه‌م كۆنفرانسێ زانستى ده‌رباره‌یى ئێزدییان و ده‌هان لێكۆلین هاتینه ئاماده‌كرن و لێكۆله‌ر ژ یازده وه‌لاتان تێدا پشكدارن.
