گاڤ – تایبه‌ت – غاندیێ كۆله‌وار

بڕیاره‌ ئه‌ڤرۆ سه‌رۆككۆمارێ ئیراقێ ئیمزایێ ل سه‌ر یاسایا پارێزگه‌هبوونا هه‌له‌بجه‌ بكه‌ت، پێشتر ژ ئالیێ جڤاتا نوونه‌رێن ئیراقێ ده‌نگ ل سه‌ر هاتییه‌ دان.

 ل 14-4-2025ێ پەڕلەمانێ ئیراقێ پڕۆژەیاسایا پارێزگەهبوونا هەلەبجە پەسەندکر کو فراکسیۆنێن کوردستانى رۆلەکێ مەزن گێڕا و ئێک دەنگ بوون، 27-4-2025ێ بۆ سەرۆکایەتییا کۆمارا ئیراقێ هاتە رەوانەکرن.

سه‌رۆكایه‌تییا كۆمارا ئیراقێ بۆ گاڤ گۆت: بڕیاره‌ ئه‌ڤرۆ سێشه‌مبێ 29-4-2025ێ د. له‌تیف ره‌شید، سه‌رۆككۆمارێ ئیراقێ ل به‌غدایا پایته‌خت ئیمزایێ ل سه‌ر یاسایا پارێزگه‌هبوونا هه‌له‌بجه‌ بكه‌ت و پاشى دێ ل رۆژنامه‌یا وه‌قائعى یا ئیراقێ به‌لاڤ بیت و ب ڤێ یه‌كێ هه‌له‌بجه‌ دێ بیته‌ چاره‌مین پاریزگه‌ها هه‌رێما كوردستانێ و نۆزده‌مین پارێزگه‌ها ئیراقێ.

 بزاڤێن پارێزگه‌هبوونا هه‌له‌بجه‌ بۆ به‌رى 12 سالان ڤه‌دگه‌ڕن و ل 24-12-2013ێ ژ ئالیێ نێچیرڤان بارزنى، سه‌رۆكوه‌زیرێن وى ده‌مى و ره‌شنڤیسێ پارێزگه‌هبوونێ ژ ئالیێ حكومه‌تێ ڤه‌ هاتبوو به‌رهه‌ڤكرن و ئاراسته‌یى نوورى مالكى، سه‌رۆكوه‌زیرێن وى ده‌مى هاتبوو كرن.