سه‌رۆك نێچیرڤان بارزانى و سه‌رۆكێ هنارتیێ ئێكه‌تییا ئه‌ورۆپا ل ئیراقێ كۆمبوون
بەلاڤ بکە
گاڤ
سه‌رۆكایه‌تییا هه‌رێما كوردستانێ راگه‌هاند، ئه‌ڤرۆ سپێدێ نێچیرڤان بارزانى، سه‌رۆكێ هه‌رێما كوردستانێ و تۆماس سه‌یله، سه‌رۆكێ هنارتیێ ئێكه‌تییا ئه‌ورۆپا ل ئیراقێ و شانده‌كێ ل گه‌ل كۆمبوو.
ئه‌ڤرۆ سێشه‌مبێ 29-4-2025ێ نێچیرڤان بارزانى، سه‌رۆكێ هه‌رێما كوردستانێ ل گه‌ل تۆماس سه‌یله‌رن سه‌رۆكێ هنارتیێ ئێكه‌تییا ئه‌ورۆپا ل ئیراقێ و شانده‌كێ ل گه‌ل دا كۆمبوو.
د كۆمبوونێ دا په‌یوه‌ندیێن ئێكه‌تییا ئه‌ورۆپا ل گه‌ل هه‌رێما كوردستانێ، بهێزكرنا هاریكارى و هه‌ماهه‌نگییا هه‌ڤپشك، ره‌وشا سیاسى و ئابۆرى ل ئیراق و ناوچێ دیتن ل هه‌ڤ هاتنه گوهارتن.
سه‌رۆك نێچیرڤان بارزانى دوپاتى ل سه‌ر گرنگییا رۆلێ ئێكه‌تییا ئه‌ورۆپا بۆ پشته‌ڤانییا سه‌قامگێرى و به‌رده‌وامییا بهێزكرنا په‌وه‌ندیێن ل گه‌ل ئیراق و هه‌رێما كوردستانی كر ب تایبه‌ت د وارێن گه‌شه‌پێدان، مافێن مرۆڤى، هاریكارییا ئابۆرى و كتلۆرى.
ژ ئالیێ خۆ ڤه بالیۆز تۆماس سه‌یله‌ر پایه‌بندییا ئێكه‌تییا ئه‌ورۆپا بۆ به‌رده‌وامیدان ب پشته‌ڤانییا ئیراق و هه‌رێما كوردستانێ دوپاتكر، هه‌روه‌سا سوپاسسیا ئێكه‌تییا ئه‌ورۆپا بۆ به‌رده‌وامییا رۆلێ هه‌رێما كوردستانێ د چه‌سپاندنا سه‌قامگێرى و پێكڤه‌ژینا ئاشتیانه ده‌ربڕى و خواستا ئێكه‌تییا ئه‌ورۆپا بۆ به‌رده‌ومیدان ب وارێن هاریكاریێ ل گه‌ل هه‌رێما كوردستانێ نیشان دا.
ره‌وشا سووریا و ناوچێ ب گشتى ته‌وه‌ره‌كێ دى یێ كۆمبوونا سه‌رۆكێ هه‌رێما كوردستانێ وسه‌رۆكێ هنارتیێ ئێكه‌تییا ئه‌ورۆپا ل ئیراقێ بوو.
