گاڤ

پەرلەمانتارەکێ جڤاتا نوینەرێن ئیراقێ تایبەت بۆ گاڤ گۆت: بتنێ سەرۆکوەزیرێ ئیراقێ یان وەزیرا دارایی یا ئیراقێ ئیمزایێ ل سەر هنارتنا مووچەیێن هەرێمی بکەت، بێی کێشە دێ مووچە گەهیت.

د. خەلیل غازى، پەرلەمانتارێ پارتی دیمۆکراتی کوردستان، ل جڤاتا نوینەرێن ئیراقێ، ئەڤرۆ، دوشەمبیێ، 2025-5-5، تایبەت بۆ گاڤ گۆت: ل دویڤ گۆتنا بەرپرسێن بەغدا، کێشەیا نەهنارتنا مووچەیێن مووچەخۆرێن هەرێما کوردستانێ بتنێ نەبوونا سیولێ یە.

ئەوژی دیارکر؛ هەولێر و بەغدا ل دۆر رادەستکرنا داهاتێ نەنەفتی، بۆ هەمی هەیڤان ل سەر کۆژمەکێ دیارکری رێککەفتینە کو نێزیکی 50 ملیار دینارانە.

گۆت ژی؛ بەغدا چ تێبینی ل سەر لیستا هەرێمی نەبووینە ژبەرکو هەردو ئالی ل سەر ئێک لیست رێککەفتینە و هویربینییا لیستێ چەندین رۆژە ب دویماهی هاتی.

دەربارەی وان خانەنشینێن نوی یێن کو بریارە دێ شەش مووچەیان ل سەرئێک وەرگرن، دیارکر ژی؛ تا نوکە ناهێتە زانین کا بەغدا دێ مووچەیێن وان ل گەل مووچەیێ ڤێ هەیڤێ هنێریت یان نە.