ئه‌ڤرۆ سوودانى ل ئه‌نقه‌ره‌یه
بەلاڤ بکە
گاڤ
سه‌رۆكوه‌زیرێن ئیراقێ ل ئه‌نقه‌ره‌یا پایته‌ختێ توركیایه، زێده‌بارى پشكداریێ د كۆمبوونا جڤاتا بلند یا ئیراق و توركیا یا هه‌ڤكارییا ستراتیژى دێ ل گه‌ل ره‌جه‌ب ته‌یب ئه‌ردۆگانى ژى كۆمبیت.
نڤیسینگه‌ها محه‌مه‌د شیاع سوودانى، سه‌رۆكوه‌زیرێن ئیراقێ راگه‌هاند، ئه‌ڤرۆ پێنجشه‌مبێ محه‌مه‌د شیاع سوودانى، سه‌رۆكوه‌زیرێن ئیراقێ ب سه‌ردانه‌كا فه‌رمى ل ئه‌نقه‌ره‌یا پایته‌ختێ توركیایه و دێ پشكداریێ د كۆمبوونا جڤاتا بلند یا ئیراق – توركیا یا هه‌ڤكارییا ستراتیژى دا كه‌ت.
پار توركیا و ئیراقێ 26 رێككه‌فتن و یاداشتنامه‌یێن لێكتێگه‌هشتنێ ئیمزا كربوون كو شه‌ش ژ وان تایبه‌ت بوون ب وارێن ئابۆرى، بازراگانى، وه‌به‌رهێنان، چاندن و ئاڤێ نه.
عه‌بدولقادر ئۆرال ئۆغلۆ، وه‌ه‌زیرێ ڤه‌گوهاستنا توركیا پێشتر راگه‌هاندییه، د چه‌ند رۆژێن بهێن دا محه‌مه‌د شیاع سوودانى و ره‌جه‌ب ته‌یب ئه‌ردۆگان دێ كۆمن و دێ چه‌ندین رێككه‌فتن هێنه ئیمزاكرن.
