گاڤ

سەرۆک نێچیرڤان بارزانى پیرۆزباهی ل پاپایێ نوی کر و د تۆرا جڤاکی یا ئێکس دا راگەهاند؛ ب ناڤێ کوردستانێ پیرۆزباهییێن گەرم ل پاپایێ نوی دکەم.

نێچیرڤان بارزانى، سەرۆکێ هەرێما کوردستانێ، ئەڤرۆ، پێنجشەمبییێ، 8-5-2025، د تۆرا جڤاکی یا ئێکس دا پیرۆزباهی ل پاپایێ نوی کر و راگەهاند؛ ب ناڤێ هەرێما کوردستانێ پیرۆزباهی یێن گەرم ل لیۆیێ چاردێ دکەم ب هەلکەفتا هەلبژارتنا وی وەک سەرۆکێ نوی یێ کەنیسەیا کاسۆلیک.

دیارکر ژی؛ پشتەڤانێ پەیاما ئاشتی، دلۆڤانى و دادپەروەرییێ یا وی مە و رێزێ ل وی میراتێ پاپایێ وەغەرکری هێلایی دگرم.

گۆت ژی؛ هەرێما کوردستانێ پاپەندی پێکڤەژیان و ئێکگرتنا دناڤبەرا ئایینان دا یە.

ل 21-4-2025ـێ، پاپا فرانسیس یێ ڤاتیکانێ وەغەرا دویماهیییێ کربوو.

رۆبەرت فرانسیس پریڤۆست ئەڤرۆ، پێنجشەمبییێ، 8-5-2025، وەک پاپایێ نوی یێ ڤاتیکانێ هاتە هەلبژارتن.

پاپایێ نوی یێ ڤاتیکانێ 69 سالە و ئێکەم پاپایە ب رەگەز ئەمریکی بیت.

ناسناڤێ وی لیۆیێ چاردێ یە و دێ بیتە پاپایێ 267ـێ.