گاڤ

مەسروور بارزانى د پەیامەکێ دا پیرۆزباهی ل پاپایێ نوی کر و راگەهاند؛ ب ناڤێ حکومەتا هەرێمێ ژ دل و جان پیرۆزباهی ل پاپایێ لیۆیێ چاردێ دکەم.

 سەرۆکوەزیر مەسروور بارزانى، ئەڤرۆ، پێنجشەمبییێ، 8-5-2025، د پەیامەکێ دا پیرۆزباهی ل پاپایێ نوی کر و راگەهاند؛ ب ناڤێ حکومەتا هەرێمێ ژ دل و جان پیرۆزباهییێ ل پاپایێ لیۆیێ چاردێ دکەم ب هەلکەفتا هەلبژارتنا وی وەک رێبەرێ کەنیسەیا کاسۆلیکی ل سەرانسەری جیهانێ.

دیارکر ژی؛ هیڤیخوازم سەردەمێ وی ببیتە ئەگەرێ ئاشتییێ و دانوستاندنا دناڤبەرا ئاینان دا.

ل 21-4-2025ـێ، پاپا فرانسیس یێ ڤاتیکانێ وەغەرا دویماهیییێ کربوو.

رۆبەرت فرانسیس پریڤۆست ئەڤرۆ، پێنجشەمبییێ، 8-5-2025، وەک پاپایێ نوی یێ ڤاتیکانێ هاتە هەلبژارتن.

پاپایێ نوی یێ ڤاتیکانێ 69 سالە و ئێکەم پاپایە ب رەگەز ئەمریکی بیت.

ناسناڤێ وی لیۆیێ چاردێ یە و دێ بیتە پاپایێ 267ـێ.