گاڤ - تایبەت

رێڤەبەرێ بەنکەکا تایبەت بۆ گاڤ راگەهاند؛ ژبەر رێنمایێن بەنکا ناڤەندی یا ئیراقێ ل دۆر 'سپیکرنا پارەیی' تا 1ـێ 6 کەس نەشێت ژ دەرڤەیی ئیراقێ پارەیی ژ ئامیرەیێن ATM رابکێشیت.

کاروان سالم بالەتەیی، رێڤەبەرێ بەنکا FIB تایێ دهۆکێ، بۆ گاڤ راگەهاند؛ ژبەر رێنمایێن بەنکا ناڤەندی یا ئیراقێ ل دۆر 'سپیکرنا پارەیی' تا 1ـێ 6 کەس نەشێت ژ دەرڤەیی ئیراقێ پارەیی ژ ئامیرەیێن ATM رابکێشیت و بتنێ دشیاندایە ب رێیا خالێن کڕینێ (POS) تشت بهێنە کڕین.

دیارکر ژی؛ مەزاختنا پارەیی یا سنۆردارە، بۆ هەر هەیڤەکێ دشیاندایە تنێ ب بهایێ نێزیکی 5 هزار دۆلاران کەلوپەل بهێنە کڕین.

گۆت ژی؛ رێنماییێن بەنکا ناڤەندی تا 1ـێ خزیرانێ دێ هێنە بجهئینان و تا نوکە ناهێتە زانین کا دەمێ ڤان رێنماییان دێ هێتە درێژکرن یان نە.

د سالا 2025ـێ دا بەنکا ناڤەندی یا ئیراقێ و بەنکا بازرگانی یا ئیراقێ (TBI) کۆمەکا رێنماییان ل دۆر 'سپیکرنا پارەیی' ژ دەرڤەیی ئیراقێ کو رێیا بەنکێن تایبەت دهاتەکرن دەرخستن، ژوان ژی رێنمایێن تایبەت ب راکێشانا پارەیی ژ ئامیرەیێن ATM.

ل شوباتا ئەڤ سالە بەنکا بازرگانی یا ئیراقێ راگەهاندبوو؛ راکێشانا پارەیی ژ ئامیرەیێن ATM ب رێیا (ماستەرکارد و فیزا) ژ دەرڤەیی ئیراقێ هاتە راوەستاندن. بتنێ دشیاندایە خالێن کڕینێ و ئۆنلاین بهێنە بکارئینان.