گاڤ

سەرۆکێ پارتییا مەملەکەت د دیدارەکێ دا راگەهاند: من ئاگەهی ل سەر سازکرنا ڤی کۆنگرەیی هەبوون، بەری سرری سورەییا ئۆندەر بمریت ئەڤە گۆتە من، ئەڤە رۆژێن گرنگ یێن تورکییێ نە.

دۆغۆ پەرینچەک، سەرۆکێ پارتییا مەملەکەت یا تورکی، مەملەکەت و دۆستێ دێرین یێ عەبدوللا ئۆجـەلانی د دیدارەکێ دا ل گەل کەنالێ CNN یا تورکی راگەهاند: ئەڤ پرۆسەیە تنێ چەکدانانەکا ب ساناهی ب خۆ ڤە ناگریت. دڤێط د پەیاما ئۆجەلانی بگەهین و وی گۆتبوو دڤێت پەکەکە خۆ هەلبوەشینیت و پشکداری جڤاکێ و دەولەتێ ببیت، دەولەت تورکیایە و جڤاک ژی مللەتێ تورکە، ئەڤە ژی خەونا ئاتاتورکی بوو کو مللەتێ تورک ژ هەمی پێکهاتەیان بهێتە دروستکرن.

هەروەسا ئەو ژی دیار کر: ل دۆر مژارا خۆهەلوەشاندنێ دناڤ پەکەکێ دا ناکۆکی هەبوون، لێ بریارا ئۆجـەلانی جهێ خۆ گرت. رووسیا و ئیران پشتەڤانییێ ل ڤێ پرۆسەیێ دکەن، لێ ئەمریکا و ئسرائیل حەز ناکەن ئەڤە رویبدەت.

پەرینچەکی هەروەسا گۆت: د ناڤ جڤاکێ دا ئیرادەیەک بۆ برایەتییێ هەیە و ئێدی هەمی کەس تێگەهشتییە کو خەباتا چەکداری سەرناکەڤیت، دڤێت کورد و تورک ئێکبگرن و ل بەرانبەری گەفێن دەرەکی بهێز بن.

ئەو ژی دیار کر: پێدڤییە ئەڤ پرۆسەیە ب یاسا بهێتە رێکخستن، ئەگەر ئەم خۆ گیرۆ بکەین دێ تێکچیت. بریارا خۆهەلوەشاندنێ درەنگ ناکەڤیت و ل نێزیک دێ ه‌ێتە راگەهاندن.

ئەڤرۆ رۆژا ئەیینی، 09-05-2025، پارتییا كاركه‌رێن كوردستانێ په‌كه‌كێ راگه‌هاند، مە كۆنگره‌یێ خۆ یێ 12ێ دناڤبه‌را 5 بۆ 7ێ ڤێ هه‌یڤێ ل هه‌رێمێن پاراستنا مه‌دیا ب سه‌ركه‌ڤتیانه‌ گرێدایه و دێ ئه‌نجامێن كۆنگره‌ىی ل ده‌مه‌كێ نێزیك ئاشكه‌را كه‌ین.

كۆنگره‌یێ په‌كه‌كێ، لسه‌ر داخوازا رێبه‌رێ وێ حزبێ عه‌بدوللا ئۆجەلانی هاته‌ گرێدان، كو ئۆجەلانى خواستبوو، په‌كه‌كه‌ د كۆنگره‌ىی دا خۆ هه‌لبوه‌شینیت و ده‌ست ژ خه‌باتا چه‌كدارى به‌ربده‌ت.

پارتییا كاركه‌رێن كوردستانێ د راگه‌هاندنه‌كێ دا به‌لاڤكر، مە کۆنگرەیێخۆ یێ 12ـێ ل رۆژێن 5 بۆ 7ێ گۆلانێ ل چیایێن كوردستانێ ب پشكدارییا نوینه‌رێن هه‌مى بیاڤان ل دو جهێن جودا و د ئێك ده‌مدا سه‌ركه‌ڤتیانه‌ گرێدا و پێشنیازێن کو ئۆجەلانى پێشكیشى كۆنگره‌ى كرین هاتنه‌ خواندن و هه‌لسه‌نگاندن.

په‌كه‌كێ دا زانین، ل ده‌مه‌كێ نێزیك و پشتى ئێكخستنا ئه‌نجامێن هه‌ر دو جهێن كۆنگره‌ لێ هاتیه‌ كرن، دێ زانیارییێن هویر و به‌رفره‌هـ بۆ رایا گشتى هێنه‌ به‌لاڤكرن.