گاڤ

جەنەرالەکێ نێزیکی سەرۆکوەزیرێ هدستانێ گەف ل تورکیا کرن و راگەهاند: ئەم دشێین ئاخا تورکیا بپەقینین و جەهنەمێ لێ راکەین.

د دەمەکی دا کو ئالۆزییێن دناڤبەرا هندستان و پاکستانێ دا ل 6ـێ گولانێ هاتنە گوهۆرین بۆ هەڤرکییێن سەربازی و هەردو ئالییان شەڕ ل دژی ئێک راگەهاند، جەنەرالەکێ خانەنشینکری یێ نێزیکی سەرۆکوەزیرێ هندستانێ گەف ل تورکیا کرن.

گاگاندیپ باکشی، جەنەرالێ نێزیکی نارێندرا مۆدی، سەرۆکوەزیرێ هندستانێ، تورکیا ب پشتەڤانییا پاکستانێ و مایتێکرنا د شەڕێ هندستانێ و پاکستانێ دا تۆمەتبار کر و گەف کرن و بۆ کەنالێ New India Junction راگەهاند: تورکیا خەیالا زندیکرنا خیلافەتێ لێ ددەت، ئەو دوژمنا مە یا راستەوخۆ یە، لێ هندستان هێزەکا ئەتۆمی یە و ئەگەر پێدڤی بکەت دشێین ئاخا تورکیا بپەقینین و بکەینە جەهنەم.

هەروەسا دیار ژی کر: تورکیایێ 3000 هزار کەس هنارتینە کشمیرێ. ئەڤە دەمەکە تورکیا خراب رەفتارێ دکەت و دخوازیت وەسا خۆ نیشان بدەت کو هێزەکا جیهانی یە، لێ پێدڤییە ژ بیر نەکەن کو هندستان هێزەکا جیهانییە و مە چەکێ ئەتۆمی هەیە و وان نینە، مە هێزا ڤالاهییا ئەسمانی هەیە و وان نینە.

رۆژا سێ شەمبێ 06-05-2025ێ سوپایێ هندستانێ هێرشى پاكستانێ كر و وه‌زاره‌تا به‌ره‌ڤانییا هندستانێ راگه‌هاند؛ 9 ژێرخانێن 'تیرۆرست'ـان هاتینه‌ ژناڤبرن و هێرش ل دەڤەرێن داگیركرى یێن كشمیرێ و جامۆ بوون.

ژ ئالیێ خۆ ڤه‌ وه‌زاره‌تا به‌ره‌ڤانییا پاكستانێ ئاشكراكر، هێرش ل هنده‌ك جهێن كشمیرێ هاتینە كرن و هنده‌ك جهێن نێزیكی باژێرێ موزه‌فه‌ر ئابادێ بووینه‌ ئارمانج.

شەڕ بەردەوامە و د هێرشێن هه‌ردو ئالیان دا، هەتا نها پتری 100 كه‌سان گیانێ خۆ ژ ده‌ستدایه‌ و پێکدادانێن دناڤبه‌را هه‌ردو وه‌لاتێن خودان چه‌كێ ئه‌تۆمى دا، رۆژ بۆ رۆژ به‌رفرەهتر دبن.