ساخله‌میا دهۆكێ هنده‌ك رێنما بۆ خۆپاراستن ژ تایا خوینبه‌ربوونێ به‌لاڤكرن
بەلاڤ بکە
گاڤ
ساخله‌میا دهۆكێ هنده‌ك رێنما بۆ خۆپاراستن ژ تایا خوینبه‌ربوونێ به‌لاڤكرن و گرنگترینا وان ژى پاقژى و پاراستنا وێ یه.
سه‌گڤان سلێمان، رێڤه‌به‌رێ نه‌خۆشخانه‌یا ئازادى ل پارێزگه‌ها دهۆكێ بۆ گاڤ گۆت: ئێكه‌م تووشبوویا تایا خوینبه‌ربوونێ ژیانا خۆ ژ ده‌ستدا.
ژبه‌ر ڤێ یه‌كێ ژى ساخله‌مییا دهۆكێ هنده‌ك رێنما به‌لاڤكرن و دیاركریه، خۆ بپارێزه ژ له‌قێن كرنیا (Ticks) ب رێكا وه‌رگرتنا جلكێن هچك و ده‌لنگ درێژ ب تایبه‌تى ل جهێن خودانكرنا ئاژه‌لى و خویاكریه، خۆ ژ خوین و شله‌مه‌نیێن ئاژه‌لى (په‌زێ سپى، چێل، گولك و بزنان) بپارێزه و ب تایبه‌ت ژى ل ده‌مێ سه‌ره‌ده‌ریێ ل گه‌ل ئاژه‌لى دكه‌ى وه‌كو ده‌مێ سه‌ربڕین یان خودانكرنا وى.
هه‌روه‌سا ئاشكراكریه، ب رێكا وه‌رگرتنا كه‌ل وپه‌لێن خۆپاراستنێ وه‌كو ده‌ستوگورك و گاون (صدریه) ماسكان.
هه‌ر د رێنمایێن ساخله‌میێ دا هاتییه ژى خو دووركه ژ نه‌خۆشێن تا و نیشانێن خوینبه‌ربوونێ و ل ده‌مێ تا ونیشانێن خوینبه‌ربوونێ هه‌بن ب تایبه‌تى ئه‌و كه‌سێن سه‌ره‌ده‌ریێ ل گه‌ل ئاژه‌لى دكه‌ن پێدڤیه بۆ وه‌رگرتنا چاره‌سه‌ریێن پێدڤى ب زووترین ده‌م سه‌ره‌دانا جهێن نۆشدارى بكه‌ن.
