گاڤ

سەرۆکێ ئەمریکا ل دۆر شەڕێ هەرێما کشمیرێ د پەیامەکێ دا راگەهاند؛ ب خۆشحالی ڤە هندستان و پاکستان ب ناڤبەینکارییا ئەمریکا رازیبوون ئاگربەستێ رابگەهینن.

دۆنالد ترەمپ، سەرۆکێ ئەمریکا، ئەڤرۆ، شەمبییێ، 2025-5-10، د پەیامەکێ دا د تۆرا جڤاکی یا (ئێکس) دا راگەهاند؛ ب خۆشحالی ڤە پشتی دانوستاندن ب ناڤبەینکارییا ئەمریکا هاتینە کرن، هندستان و پاکستان ل سەر ئاگربەستەکا بلەز رازیبوون.

دیارکر ژی؛ بۆ گەهشتن ب ئاگربەستەکا گشتگیر دناڤبەرا وان دا، مە دانوستاندنێن درێژ کرن.

ل 7ى هه‌یڤا گولانێ هندستانێ هێرشه‌كا 25 خوله‌كى یا ئاسمانى و ده‌ریایی كره‌ سه‌ر پاكستانێ و راگه‌هاندبوو "هه‌مى كه‌مپێن تیرۆرستان و جهێن هه‌لدانا مۆشه‌ك و فرۆكه‌یێن درۆن ژناڤبرینه‌ ل ناوچه‌یا جام و كشمیر یا پاكستانێ".

ژ لایێ خۆڤه‌، پاكستانێ راگه‌هاندبوو، وان به‌رسڤا هێرشان دایه‌ و هژماره‌كا فرۆكه‌یێن هندستانێ ئێخستینه‌.