گاڤ

وه‌لاتێ چینێ دڤێت ب رێكا ژیرییا ده‌ستكرد مرۆڤ د زمانێ گیانه‌وه‌ران ب گه‌هن و بۆ ڤێ مه‌ره‌مێ ژ كۆمپانییه‌كێ داخوازى پێشكێشى حكومه‌تا وه‌لاتێ خۆ كریه‌.

كۆمپانییا بایدۆ ب گۆگلێ چینێ ناڤداره‌ داخواز ژ حكومه‌تا وه‌لاتێ خۆ كریه‌ باروه‌رنامه‌یا خودانكاریێ ب هزرا وه‌رگێڕانا زمانێ گیانه‌وه‌ران بۆ سه‌ر زمانێ مرۆڤان بده‌تێ.

ل گۆڕه‌یى كۆمپانیێ ئارمانجا سه‌ره‌كى ئه‌وه‌ كۆمپانیێ دڤێت زانیارییان ل دۆر زمانێ گیانه‌وه‌ران په‌یدا بكه‌ت و هه‌لسوكه‌وت و ئاماژه‌یێن فیسیۆلۆژى یێن وان دیار بكه‌ت و پاشى ب ژیرییا ده‌ستكرد بزانیت د چ ره‌وش دا گیانه‌وه‌ران چ هه‌لوسوكه‌وت هه‌یه‌.

هه‌روه‌سا كۆمپانیێ ئاشكراكریه‌، پاشى ده‌ربڕینا وان ب لڤین و زمانێ وان دێ چاوا بیت و پاشى دێ ده‌نگێ وان بۆ رسته‌یێن واتادار بۆ زمانێ مرۆڤى هێنه‌ گوهارتن.

كۆمپانییا بایدۆ دایه‌ زانین ژى ب ڤێ یه‌كێ دێ تێگه‌هشتن و په‌یوه‌ندیێن باشتر د ناڤا مرۆڤ و گیانه‌وه‌ران دا دروستبن و دێ مفایى ب ژیانێ هه‌موویێ گه‌هینیت.