گاڤ

وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، مووچه‌یێ مه‌ها نیسانێ بۆ سه‌ر هه‌ژمارا به‌نكى یا وه‌زاره‌تا دارایى هاتییه‌ ڤه‌گوهاستن.

وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، ته‌مویلا مووچه‌یێ مه‌ها نیسانێ بۆ سه‌ر هه‌ژمارا به‌نكى یا وه‌زاره‌تا دارایى ئه‌ڤرۆ سێشه‌مبێ 13-5-2025ێ گوژمێ 959،514،000،000 وه‌ك مافێن دارایى یێن فه‌رمانبه‌ر و مووچه‌خۆڕێن هه‌رێما كوردستانێ بۆ سه‌ر هه‌ژمارا به‌نكى یا وه‌زاره‌تا دارایى و ئابۆرى یا هه‌رێما كوردستانێ لقێ هه‌ولێرێ هاته‌ ڤه‌گوهاستن.

ئه‌ڤرۆ سپێدێ ژێده‌ره‌كى تایبه‌ت ژ جڤاتا وه‌زیرێن ئیراقێ بۆ گاڤ گۆت: ته‌یف سامى، وه‌زیرا دارایى و ئابۆرى یا ئیراقێ ئه‌ڤرۆ سێشه‌مبێ 13-5-2025ێ ئیمزا ل سه‌ر لیستا مووچه‌یێن فه‌رمانبه‌رێن هه‌رێمێ كریه‌ و بۆ به‌نكا ناڤه‌ندى ره‌وانه‌كریه‌.

پشتى هنارتنا مووچه‌یان دهێته‌ چاڤه‌ڕێكرن وه‌زاره‌تا دارایى و ئابۆرى لیستا مووچه‌یێن مه‌ها بۆرى به‌لاڤ بكه‌ت و ب زووترین ده‌م و كێمترین رۆژ مووچه‌ بهێنه‌ به‌لاڤكرن.