گاڤ

جڤاتا وه‌زیران بۆ دابینكرن و ده‌سته‌به‌ركرنا خزمه‌تگۆزارییا كاره‌با 24 ده‌مژمێرى بۆ وه‌لاتییان تۆڕا كاره‌با نشتیمانى په‌سه‌ند كر و ل گۆڕه‌یى حكومه‌تێ د سێ مه‌هێن ئێكێ دا ب رێژه‌یا 50% بۆ 15% دێ پشته‌ڤانییا وه‌لاتییان كه‌ت و دێ كوژمێ پاره‌یى كێمتر بیت.

ئارمانجا نێزیك:

• تا دوماهییا ئه‌ڤ ساله‌ كاره‌با 24 ده‌مژمێرى ب گه‌هیته‌ سه‌نته‌رێ پارێزگه‌هان

بهایێ كاره‌با 24 ده‌مژمێرى ل گۆڕه‌یى خه‌رجیێن كیلۆواتان

• 1 بۆ 400 کیلۆوات - 72 دینار
• 400 بۆ 800 کیلۆوات - 108 دینار
• 800 بۆ 1200 کیلۆوایت - 175 دینار
• 1200 بۆ 1600 کیلۆوات - 265 دینار
• 1600كیلۆوات و د سه‌ر دا - 350 دینار

 چه‌ند پاره‌ پێدڤییه‌؟

ئه‌گه‌ر وه‌سا بیت ئه‌گه‌ر د مه‌هه‌كێ دا 400 كیلۆواتێن كاره‌بێ بكاربهێن، 28 هزار و 800 دینار پێدڤیه‌ و ئه‌گه‌ر 800 كیلۆوات بن 72 هزار دینار پێدڤینه‌.

• 1200 کیلۆوات ب  142 هزار دینارانه‌
• 1600 کیلۆوات ب 248 هزار دینارانه‌
• 2000 کیلۆوات ب 388 هزار دینارانه‌

بۆ هه‌ڤپشكێن پیشه‌سازى یین مه‌زن، بازرگانى، میرى و چاندن بها ب شێوه‌یكێ دى نه‌.

• پیشەسازییێن مه‌زن 125 دینار
• چاندن - 60 دینار
• میری - 160 دینار
• بازرگانی - 185 دینار

بۆ جارا ئێكێ یه‌ حكومه‌تا هه‌رێما كوردستانێ بزاڤا دابینكرنا كاره‌با 24 ده‌مژمێرى دكه‌ت كو پێشتر ب موه‌لیده‌یێن ئه‌هلى ل ده‌ما كاره‌با نشتیمانى نه‌یى دهاته‌ پڕكرن و ئه‌ڤ یه‌كه‌ دێ مفایه‌كێ مه‌زن ژى ب ژینگه‌ها هه‌رێما كوردستانێ گه‌هیت كو موه‌لیده‌یێن ئه‌هلى دێ هێنه‌ راكرن.