گۆپیتكا كۆمكارا عه‌ره‌بى ل به‌غدا ده‌ستپێكر
بەلاڤ بکە
گاڤ
گۆپیتكا 34ێ یا كۆمكارا عه‌ره‌بى، ئه‌ڤرۆ ل پایته‌ختێ ئیراقێ به‌غدایێ ده‌ستپێكر، سه‌رۆك، سه‌رۆكوه‌زیر، وه‌زیرێن ده‌رڤه و جێگرێن سه‌رۆكوه‌زیرێن 22 وه‌لاتێن عه‌ره‌بى و سكرتێرێ گشتى یێ نه‌ته‌وه‌یێن ئێكگرتى تێدا پشكدارن.
د گۆپیتكێ دا، دێ رژدى ل هاریكاری و پشته‌ڤانیا وه‌لاتێن عه‌ره‌بى بۆ هه‌ڤدو، هه‌روه‌سا هاریكاریكرنا دارایی بۆ سه‌ر ژنوى ئاڤاكرنا كه‌رتێ غه‌زه هێته كرن.
د كۆربه‌ندى دا، ئیراق دێ 18 ده‌ستپێشخه‌ریێن گرێداى ره‌وشا ئێمناهیێ و به‌رهنگاربوونا ماده‌یێن هشبه‌ر و یێن دى ئابۆرینه پێشكێش كه‌ت.
باسم عه‌وادى په‌یڤدارێ حكومه‌تا ئیراقێ، راگه‌هاند، ئه‌ڤرۆ دێ 3 گۆپیتك هه‌بن، سپێدێ دێ لسه‌ر ئاستێ سه‌رۆك و سه‌رۆكوه‌زیران برێڤه چیت، پشتى نیڤرۆ دێ گۆپیتكا گه‌شه‌پێانا ئابۆرى بڕێڤه چیت و ئێڤارى ژى دێ گۆپیتكه‌كا سێقۆلى ب ناڤ و نیشانێن میكانیزما هاریكارییا سێقۆلى دناڤبه‌را ئیراق، ئوردن و مسرێ دا برێڤه چیت.
