گاڤ

گەڕا 34ـێ یا کۆمکارا عەرەبی ل بەغدا هاتە برێڤەبرن. سەرۆکوەزیرێ ئیراقێ د گۆتارەکێ دا راگەهاند؛ دەستپێشخەرییا پەیماننامەیا چاکسازییا ئابووری بۆ دەهـ سالێن بهێت رادگەهینین.

گەڕا 34ـێ یا کۆمکارا عەرەبی ل بەغدا هاتە برێڤەبرن. ئەڤرۆ، شەمبیییێ، 2025-5-17، محەمەد شیاع سوودانی، سەرۆکوەزیرێ ئیراقێ د گۆتارەکێ دا راگەهاند؛ دەستپێشخەرییا پەیماننامەیا چاکسازییا ئابووری بۆ دەهـ سالێن بهێت راددگەهینین، بەرنامەیا وان دابینکرنا ژینگەهەکا وەبەرهێنانێ یا ئێکگرتی و هەڤپشک بۆ وەبەرهێنانا عەرەبی، ئازادییا بازرگانی و دانانا دەڤەرێن بازرگانییا ئازاد بخۆڤە دگریت.

دیارکر ژی؛ ئارمانج ژ پرۆژەیێ ستراتیجی یێ رێکا گەشەپێدانێ، گرێدانا بەندەرێ فاوە ب تورکیا ڤە و دێ ب رێیا وێ چیتە ئەورۆپا، ب بەردەوامی ئەو ل گەل دۆستێن خۆ ل سەر هێلن بۆ پشکداریکرنێ د رێکا گەشەپێدانێ دا.

گۆت ژی؛ ژبەر وان ئاسانکارییێن د رێ دا بۆ وەبەرهێنانێ، وەبەرهێنانا عەرەبی و بیانی ل ئیراقێ بۆ 89 ملیار دۆلار بلندبوویە.

ئاماژە ب هندێ ژی دا؛ وان دەست ب دانانا ناڤەندێن عەرەبی بۆ پاراستنا ژینگەهێ ژ بەرمایکێن شەڕی، دانانا ناڤەندێن عەرەبی بۆ زیرەکییا دەستکرد ل بەغدا، دانانا جڤاتا عەرەبی بۆ پەیوەندییێن جەماوەری و کلتووری دناڤبەرا وەلاتێن عەرەبی دا، دروستکرنا ژوورەکا هەڤپشک یا ئاسایشا عەرەبی ل بەغدا، دانانا ناڤەندا عەرەبی بۆ بەرسینگگرتنا تیرۆر، ماددەیێن هشبەر، تاوانێن رێکخراوێن ناڤدەولەتی کرییە.

گۆپتیکا گەشەپێدانا ئابووری و جڤاکی یا وەلاتێن عەرەبی، ئێکسەر پشتی بدویماهیهاتنا کۆمکارا عەرەبی ل بەغدا هاتە برێڤەبرن، ب دو قویناغان هاتە برێڤەبرن.

قویناغا ئێکێ پشکەک ژ سەرۆک و وەزیرێن دەرڤە یێن وەلاتان پشکداری کر، قویناغا دویێ وەک کۆمبوونەکا گرتی هاتە برێڤەبرن.

گۆپیتكا 34ـێ یا كۆمكارا عه‌ره‌بى، ل پایته‌ختێ ئیراقێ به‌غدایێ ده‌ستپێكر، سه‌رۆك، سه‌رۆكوه‌زیر، وه‌زیرێن ده‌رڤه‌ و جێگرێن سه‌رۆكوه‌زیرێن 22 وه‌لاتێن عه‌ره‌بى و سكرتێرێ گشتى یێ نه‌ته‌وه‌یێن ئێكگرتى تێدا پشكداربوون.

د گۆپیتكێ دا رژدى ل هاریكاری و پشته‌ڤانییا وه‌لاتێن عه‌ره‌بى بۆ هه‌ڤدو، هه‌روه‌سا هاریكاریكرنا دارایی بۆ سه‌ر ژنوى ئاڤاكرنا كه‌رتێ غه‌ززه‌ هێته‌ كرن.