گاڤ

یانەیا زاخۆ ژ ئەگەرێ تەمامنەبوونا یارییێن وێ یێن خۆلێ، رێکێ ب یاریکەرێن خۆ نادەت قەستا هەلبژارتی بکەن. کارگێرێ یانەیا زاخۆ بۆ گاڤ راگەهاند؛ یاریەکا وان مایە لەوما رێک ب چ یاریکەران ناهێتە دان.

یانەیا زاخۆ ژ ئەگەرێ تەمامنەبوونا یارییێن وێ یێن خۆلێ، رێکێ ب یاریکەرێن خۆ نادەت قەستا هەلبژارتی بکەن. ئەڤرۆ، ئێکشەمبییێ، 2025-5-18، دلژار عەدنان، کارگێرێ یانەیا زاخۆ  تایبەت بۆ گاڤ راگەهاند؛ ژ ئەگەرێ تەمامنەبوونا یاریا وان یا ل گەل یانەیا نەورۆز، رێک ب چ یاریکەران ناهێتە دان پەیوەندییێ ب هەلبژارتییێ خۆ بکەن.

دیار کر ژی؛ ل رۆژا شەمبییێ ل یاریگەها فرەنسۆ هەریری یاریا پاشخستی یا دناڤبەرا هەردو یانەیێن زاخۆ و نەورۆز دا، ژ گەڕا 29ـێ، دێ هێتە برێڤەبرن.

هەلبژارتییێ ئیراقێ ل هەیڤا خزیرانێ بۆ ڤاڤارتنێن قارەمانییا ئاسیا بۆ گەهشتن ب مۆندیالا 2026، دێ دو یارییێن چارەنڤیسساز کەت، یارییێن وێ ل بەرانبەر هەر ئێک ژ کۆریا باشوور و ئوردن ـە، بڕیارە ل رۆژا پێنجشەمبییێ گراهام ئارنۆلد، راهێنەرێ هەلبژارتییێ ئیراقێ لیستا یاریکەران بەلاڤبکەت.

ل 2025-4-22، یاری دناڤبەرا یانەیا زاخۆ و نەورۆز دا ل سلێمانییێ هاتە برێڤەبرن، ل دەمێ برێڤەبرنا یارییێ چەند ئالۆزییەک دناڤبەرا جەماوەرێن هەردو یانەیان دا دروستبوون و چەندین کەس ژ هەردو ئالییان برینداربوون.

ئەڤرۆ، 2025-5-18، بڕیار هاتە دان ل رۆژاشەمبییا بهێت یاریا پاشخستی ل یاریگەها فرەنسۆ هەریری یاریا پاشخستی یا دناڤبەرا هەردو یانەیێن زاخۆ و نەورۆز دا، ژ گەڕا 29ـێ، ل دەمژمێر 7:00 دێ هێتە برێڤەبرن.