گاڤ

وەزارەتا حەج و عومرەیا سعوودیە راگەهاند؛ تا نوکە 500 هزار کەس ب مەرەما ئەداکرنا فەریزەیا حەجێ گەهشتینە وەلاتێ وان. ب باشترین شێوە دێ پێشوازی ل حەجییان هێتە کرن.

وەزارەتا حەج و عومرەیا سعوودیە، ئەڤرۆ، ئێکشەمبییێ، 2025-5-18، راگەهاند؛ تا نوکە 500 هزار کەس ب مەرەما ئەداکرنا فەریزەیا حەجێ گەهشتینە وەلاتێ وان، ل دەروازەیێن جودا-جودا، هشکاتی، ئەسمانی و دەریایی ب باشترین شێوە دێ پێشوازی ل حەجییان هێتە کرن.

ل رۆژێن 16-17 گولانێ دو کاروانێن حەجییێن هەرێمێ ب رێکا هشکاتییێ بەرەڤ مەککەهێ برێکەفتن، رێڤەبەرێ حەج و عومرەیا دهۆکێ ژی راگەهاندبوو؛ حەجییێن دهۆکێ 384 کەسن.

بڕیارە هەر ژ سوبەهی برێکا هەردو فرۆکەخانەیێن هەولێر و سلێمانییێ دێ بەرەڤ سعوودییێ چن.

ئەڤ سالە پێنج هەزار و 136 کەس ژ هەرێما کوردستانێ ب مەرەما ئەداکرنا فەریزەیا حەجێ دێ بەرەڤ سعوودیێ چن، 3 هزار و 491 کەس ژوان برێکا ئەسمانی نە.