گاڤ

ئەندامێ مەكتەبا سیاسی و بەرپرسێ مەكتەبا رێكخستنا پارتی پێشوازی ل مەنسوور بارزانى کر. مەکتەبا رێکخستنێ راگەهاند؛ هەردو ئالییان بەحسی رەوشا دەڤەرێ ب گشتی، داخوازی و پێشنیارێن وەلاتییان کر.

سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارتی پێشوازی ل فەرماندە مەنسوور بارزانى، لەشکەرێ تایبەتی ئێک و گولان کر. ئەڤرۆ، ئێکشەمبییێ، 2025-5-18، مەکتەبا رێکخستنا پارتی راگەهاند؛ هەردو ئالییان بەحسی رەوشا دەڤەرێ ب گشتی، داخوازی و پێشنیارێن وەلاتییان کر.

دیارکر ژی؛ هەر ئێک ژ هاریکارێن مەکتەبێ، پارێزگارێ دهۆکێ، سەرپەرشتێ ئیدارەیا سەربەخۆ یا زاخۆ و هەر پێنج بەرپرسێن لقێن ئێك، هـەشت، نەهـ، هەژدە و بیست یێن پارتی د کۆمبوونێ دا د بەرهەڤبوون.

گۆت ژی؛ دوپاتی ل سەر هندێ هاتە کرن کو پێدڤییە هەمی پێكڤە خزمەتا خەلكێ دەڤەرێ بكەن و ل دویڤ شیانان داخوازیێن وانا بەرچاڤ بهێنە وەرگرتن.

دیار ژی کر؛ فەرماندەیی پشتەڤانییا خۆ بۆ سەرخستنا چەندین كار و پرۆژەیان نیشان دا كو ل نێزیك دێ كەڤنە د وارێ بجهـئینانێ دا و خزمەتا وەلاتییێن دەڤەرێ بکەن.