گاڤ

سه‌رۆكێ حكومه‌تا هه‌رێما كوردستانێ ل ئه‌مریكایه‌ و دهێته‌ چاڤه‌ڕێكرن چاڤ ب هه‌ژماره‌كا به‌رپرسێن بلند یێن وى وه‌لاتى بكه‌ڤیت، كو ئێك ژ وان ژى وه‌زیرێ ده‌رڤه‌ یێ وى وه‌لاتى یه‌.

مه‌سروور بارزانى، سه‌رۆكێ حكومه‌تا هه‌رێما كوردستانێ ب سه‌ره‌دانه‌كێ ژ دوهى وه‌ره‌ ل ئه‌مریكایه‌ و دهێته‌ چاڤه‌ڕێكرن هه‌ژماره‌كا كۆمبوونێن گرنگ بكه‌ت.

ئه‌ڤرۆ دوشه‌مبێ 19-5-2025ێ مه‌سروور بارزانى، سه‌رۆكێ حكومه‌تا هه‌رێما كوردستانێ ل ئه‌مریكا‌  دێ ل گه‌ل مارك رۆمیۆ، وه‌زیرێ ده‌رڤه‌ یێ ئه‌مریكا كۆمبیت و هه‌ژماره‌كا مژارێن گرنگ ل سه‌ر ئاستێ رۆژهه‌لاتا ناڤین و ده‌ڤه‌رێ دێ به‌حس كه‌ت، به‌رهنگاربوونا تیرۆرێ ئێك ژ مژارانه‌.

ل گۆڕه‌یى زانیارییان د ئه‌جێندایا كۆمبوونێن سه‌رۆكێ حكومه‌تێ دا هه‌ر ئێك ژ مژارێن دویماهى پێشهاتێن رۆژهه‌لاتا ناڤین، هنده‌ك كه‌یسێن سیاسى یێن ناڤخۆ و پرسا تێهنێ دێ هێنه‌ به‌حسكرن.

هه‌روه‌سا زانیارى دیار دكه‌ن كو پرسا پێكئینانا كابینه‌یا ده‌هێ یا حكومه‌تا هه‌رێما كوردستانێ و هاریكارییێن ئه‌مریكا بۆ هێزێن پێشمه‌رگه‌ى ژى دو مژارێن دى یێن ئه‌جێندایا كۆمبوونێن مه‌سروور بارزانى یه‌ ل گه‌ل مه‌زنه‌ به‌رپرسێن ئه‌مریكى.