به‌رى جه‌ژنێ مووچه دێ هێن؟
بەلاڤ بکە
گاڤ – تایبه‌ت
ل گۆڕه‌یى زانیاریێن گاڤ به‌رهه‌ڤى بۆ هنارتنا لیستا مووچه‌یێن فه‌رمانبه‌رێن هه‌رێما كوردستانێ دهێنه كرن و پێشبینییه به‌رى جه‌ژنێ مووچه بهێنه خه‌رجكرن.
مه‌ها بۆرى حكومه‌تا هه‌رێما كوردستانێ ب چه‌ندین رۆژان به‌رى سه‌رێ مه‌هێ لیسته بێى كێماسى بۆ به‌غدا ره‌وانه‌كر، لێ به‌غدا پشتى 20 رۆژان ژ گیرۆكرنێ پاره ره‌وانه‌یى هه‌رێمێ كر، ل ده‌مه‌كى چ به‌هانه‌یێن دروست ژى ژ ئالیێ وه‌زاره‌تا دارایى یا ئیراقێ ڤه نه‌هاتنه دان.
زانیاریێن گاڤ دیاردكه‌ن، به‌رهه‌ڤى بۆ هنارتنا لیستا مووچه‌یان دهێنه كرن و گه‌نجینه هاتینه ئاگه‌هداركرن و تا پێنجشه‌مبێ لیستا مووچه‌یى راده‌ستى وه‌زاره‌تا دارایى بكه‌ن.
ل گۆڕه‌یى وان زانیاریێن ب ده‌ست كه‌فتین ل ده‌ستپێكا حه‌فتییا بهێت لیستا مووچه‌یى دێ بۆ به‌غدایێ هێته ره‌وانه‌كرن و بزاڤ دهێنه كرن به‌رى جه‌ژنێ ده‌ست ب به‌لاڤكرنا مووچه‌یى بهێته كرن.
