گاڤ

کۆمسیۆنا بلند یا سەربخۆ یا هەلبژارتنان دەمێ تۆمارکرنا دەنگدەر، هەڤپەیمانی و پارتییێن سیاسی درێژکر و فەرمانگەهێن پەیوەندیدار راسپاردن بۆ ب جهئینانا بریارێ.

جۆمانە گلای، پەیڤدارا کۆمسیۆنا هەلبژارتنان ل ئیراقێ بۆ گاڤ گۆت: پشتی گۆتوبێژێن ئەندامێن جڤاتا کۆمسیۆنێ بریار هاتە دان، دەمێ تومارکرنا دەنگدەران تا رۆژا ئێکشەمبی رێککەفتی 15ێ خزیرانا بهێت بهێتە درێژکرن و گۆت: بریا ئەڤرۆ 19ی گولانێ هاتییە دان و پێدڤییە ل پێگەهێ فەرمی یێ کۆمسیۆنێ بهێتە دان.

پەیڤدارا کۆمسیۆنا هەلبژارتنان ل ئیراقێ دا زانین ژی: کۆمسیۆنێ بریار دا کو دەمێ تۆمارکرنا هەڤپەیمانی و پارتییێن سیاسی ژی تا 22ی ئەڤێ هەیڤێ درێژبکەت و فەرمانگەهێن پەیوەندیدار راسپاردن بۆ ب جهئینانا بریارێ.