ئێكه‌تیا ئه‌ورۆپا سزایێن ئابۆرى ل سه‌ر سووریێ راكرن
بەلاڤ بکە
گاڤ
هه‌ر 27 وه‌لاتێن ئێكه‌تیا ئه‌ورۆپا بڕیار دان سزایێن لسه‌ر سوویێ راكه‌ن، بڕیار د كۆمبوونا ئه‌ڤرۆ یا به‌رپرسێن وه‌لاتێن ئێكه‌تیا ئه‌ورۆپا دا هاته دان.
ل گۆره‌ى ئاژانسێن نووچه‌یان، ئێكه‌تیا ئه‌ورۆپا سزایێن ئابۆرى یێن لسه‌ر سووریێ راكرن و نێزیك دێ هویركاتیێن بڕیارێ هێنه راگه‌هاندن.
ل گۆره‌ى ژێده‌رێن دپلۆماسى، بالیۆزێن 27 وه‌لاتێن ئێكه‌تیا ئه‌ورۆپا، گه‌هشتینه رێككه‌فتنه‌كا ده‌ستپێكى لسه‌ر ڤێ گاڤا ستراتیژى. بڕیاره د كۆمبوونا ئه‌ڤرۆ یا وه‌زیرێ، ده‌رڤه یێن ئێكه‌تیێ دا، هویركاتیێن بڕیارێ بهێنه دیاركرن.
ئه‌ڤ گاڤا ئێكه‌تییا ئه‌ورۆپا پشتى چه‌ندین سالێن دانانا دۆرپێچا ئابۆرى لسه‌ر سووریێ دهێت كو ب ئه‌گه‌رێ شه‌ڕ و ئالۆزیێن وى وه‌لاتى لسه‌ر ده‌مێ رژێما به‌عس بسه‌ر دا هاتبوونه سه‌پاندن. ب راكرنا دۆرپێچێ ژى سووریا دێ چیته د قویناغه‌كا دى دا د وارێ ڤه‌ژاندنا ئابۆرى و ئاڤه‌دانبوونا وى وه‌لاتى دا.
