گاڤ

وەزارەتا سامانێن سرۆشتی یا هەرێمێ، ل دۆر پەیاما وەزارەتا پەترۆلێ یا ئیراقێ بەیانەک بەلاڤکر و راگەهاند؛ ئەو رێککەفتنێن وان کرین د نوی نینن و یێن بەری چەندین سالانە.

وەزارەتا سامانێن سرۆشتی یا هەرێما کوردستانێ، ئەڤرۆ، سێشەمبییێ، 2025-5-20، ل دۆر پەیاما وەزارەتا پەترۆلێ یا ئیراقێ بەیانەک بەلاڤکر و راگەهاند؛ حکومەتا هەرێمێ وەک قەوارەیەکێ فیدرالى و د چارچووڤەیێ دەستوورێ ئیراقێ دا تەکەزییێ ل هەمی ماف و دەسهەلاتێن خۆ یێن دەستووری کو ب رۆنی هاتینە دەستنیشانکرن دکەت.

دیارکر ژی؛ دوپاتییێ ل هندێ دکەین کو ئەو رێککەفتنێن ل گەل هەردو کۆمپانییێنHKN  و WesternZagros یێن ئەمریکی هاتینە کرن د نوی نینن و بەری چەندین سالان هەنە، ژ ئالییێ دادگەهێن ئیراقێ ڤە "دادگەها فیدرالى" دانپێدان پێ هاتییە کرن و چ کێشەیێن یاسایی نینن.

گۆت ژی؛ کۆمپانییێن بجهئینانێ یێن گرێبەستان هاتینە گوهۆڕین و چەندین سالە کۆمپانییێن ناڤبری د زەڤییێن هەرێما کوردستانێ دا بیاڤێ پەترۆلێ و گازا سرۆشتی یێن هەرێمێ بەرەڤ پێش دبەن و ژ بەرهەهێنەرێن سەرەکی نە.

دیار ژی کر؛ ئارمانج ژ رێککەفتنێن وان پرکرنا پێدڤییا ناڤخۆ یە برێکا زێدەکرنا گازا سرۆشتی بۆ دابینکرنا سۆتەمەنییا وەستگەهێن بەرهەمئینانا کارەبێ و پێشکێشکرنا خزمەتگۆزارییێن کارەبا بەردەوام بۆ هەمی دەڤەرێن ئیراقێ.

ل 19-5-2025، مه‌سروور بارزانى، سه‌رۆكێ حكومه‌تا هه‌رێما كوردستانێ ل ئه‌مریكا‌  ل گه‌ل مارك رۆمیۆ، وه‌زیرێ ده‌رڤه‌ یێ ئه‌مریكا كۆمبوو.

سەرۆکوەزیرێ حکومەتێ رێککەفتن ل گەل هەردو کۆمپانییێن HKN و WesternZagros کرن.

ئەڤرۆ، وەزارەتا پەترۆلێ یا ئیراقێ د بەیانەکێ دا هەردو رێککەفتنێن هەرێمێ ب نەیاسایی قەلەم دان.