وەزیرێ دەرڤە یێ ئەمریکا: سووریا دێ پارچە-پارچە بیت

بەلاڤ بکە

 

گاڤ

وەزیرێ دەرڤە یێ ئەمریکا راگەهاند: دبیت د ڤان چەند حەفتییەکان دا، حکومەتا دەمکی یا سووریێ بهەڕفیت و سووریا

پارچە-پارچە ببیت.

مارکۆ رۆبیۆ، وەزیرێ دەرڤە یێ ئەمریکا، ئەڤرۆ رۆژا سێشەمبی، 2025-05-20، ل کۆمیتەیا دەرڤە یا سیناتۆران، راگەهاند: ب ئاشکرایی دبێژم: ل دویڤ پێشبینی و شرۆڤەکرنێن مە، ژ بەر وان ئاستەنگێن هەیی، حکومەتا سووریێ ل خالەکا هەستیارە و ل بەر دەرگەهێ شەڕەکێ مەزن یێ ناڤخۆ یە و دێ سەرانسەری وەلاتی ڤەگریت.

رۆبیۆیی هەروەسا گۆت: ئەڤ ئاستەنگە دێ سووریێ بەرەڤ پارچەبوونێ ڤە بەن و دبیت ئەڤە د چەند حەفتییەکان دا رویبدەت و ناکێشیتە چەند هەیڤان.

ئەڤە د دەمەکی دا یە کو د سەرەدانا خۆ یا سعوودییێ دا، دۆنالد ترەمپ، سەرۆکێ ئەمریکا راگەهاند؛ دێ سزایێن سەر سووریێ راکەین و شانسەکێ دی دەینێ. هەڤدەم ئێکەتییا ئەورۆپا ژی هەمی سزایێن ل سەر سووریێ راکرن.

رژێما بەشار ئەسەدی ل 8ێ کانوونا ئێکێ یا سالا 2024ێ هەڕفی و هێزێن ئۆپۆزسیۆنا سووریێ ب سەرکردایەتییا دەستەیا تەحریر شام دەست دانا سەر دەستهەلاتێ. ئەحمەد شەرعی ل 29ێ کانوونا دویێ خۆ وەک سەرۆککۆمارێ سووریێ داناسین و ل 29ێ ئادارا 2025ێ حکومەتا ڤەگوهاستنێ یا پێکهاتی ژ 23 کەسان هاتە راگەهاندن.

 

 

 

زێدەتر دەربارەی