گاڤ

کۆمپانیا شاماران یا بەرهەمئینانا پەترۆلا خاڤ ل هەرێمێ راگەهاند؛ د چارێکا ئێکێ یا ئەڤ سالە دا ل هەردو زەڤییێن ئەترووش و سەرسنکێ بەرهەمێ وان یێ رۆژانە گەهشتییە 65 هزار و 200 بەرمیلان.

کۆمپانیا شاماران یا بەرهەمئینانا پەترۆلا خاڤ ل هەرێما کوردستانێ، ئەڤرۆ، سێشەمبییێ، 2025-5-20، د راپۆرتەکێ دا راگەهاند؛ د چارێکا ئێکێ یا ئەڤ سالە دا ل هەردو زەڤییێن پەترۆلێ یێن ئەترووش و سەرسنکێ بەرهەمێ وان یێ رۆژانە گەهشتییە 65 هزار و 200 بەرمیلان و داهاتێ وان ژی گەهشتییە 35 ملیۆن و 885 هزار دۆلاران.

دیارکر ژی؛ رۆژانە ل زەڤییا سەرسنکێ 29 هزار و 900 بەرمیل و ل زەڤییا ئەتروش 35 هزار و 300 بەرمیلێن پەترۆلێ هاتینە بەرهەمئینان. سەرجەمێ گشتی دبیتە 65 هزار و 200 بەرمیل رۆژانە.

ئاماژە ب هندێ ژی کرییە؛ بەرهەمئینانا پەترۆلێ ل هەردو زەڤییێن ئەترووش و سەرسنکێ، د چارێکا ئێکێ یا ئەڤ سالە دا ل چاڤ سالا بۆری، ب رێژەیا 14% بلندبوویە.

دیار ژی کر؛ هەتا رۆژا 30ـێ نیسانا ئەڤ سالە، وان 29 ملیۆن و 400 هزار دۆلار وەک شایستەیێن دارایی وەرگرتینە.

ئەوژی دایە دیارکرن؛ هەتا 7ـێ گولانا ئەڤ سالە وان 143 ملیۆن و 800 هزار دۆلار هێشتا وەرنەگرتینە.

هەردو زەڤییێن ئەترووش و سەرسنک دکەڤنە سنۆرێ پارێزگەها دهۆکێ، کۆمپانیا شاماران 47% و کۆمپانیا ئێچ کەی ئێنHKN  28% پشک هەیە و حکومەتى هەرێما کوردستانێ ژی 25% پشک تێدا هەیە.