گاڤ

وەزیرێ وەرزشی یێ ئسپانیا راگەهاند؛ وەلاتێ وان دێ مێهڤاندراییا یاریا فاینەلا چامپیۆنزلیگا 2027ـێ کەت.

پیلار ئەلیگریا، وەزیرێ وەرزشی یێ ئسپانیا، ئەڤرۆ، سێشەمبییێ، 2025-5-20، راگەهاند؛ میترۆپۆلیتانۆ کو یاریگەها یانه‌یا ئاتلەتیكۆ مه‌دریدە، دێ مێهڤاندراییا یاریا فاینەلا چامپیۆنزلیگا 2027ـێ کەت.

دیارکر ژی؛ ئەتلەتیکۆ جارا ئێکێ دێ مفایی ژ یاریگەها خۆ بینیت کو یاریا فاینەلێ لێ بهێتە کرن.

یانەیا ئەتلەتیکۆ چەندین جاران گەهشتییە یاریا فاینەلێ لێ نەشیایە بدەستخۆڤەبینیت ئەوژی ل سالێن 1974 ل بایرن میونخ تووشی شکەستنێ بوو و ل هەردو سالێن 2014 و 2016 بەرانبەر ریال مەدرید تووشی شكستنێ بوو.

یاریا فاینەلێ یا ڤی وەرزی دێ ل یاریگەها ئالیانز ئارێنا دێ هێتەبرێڤەبرن و وه‌رزێ بهێت دێ ل یاریگەها بۆشكاش ئه‌رێنا ل‌ بودابێست دێ هێتە برێڤەبرن.