گاڤ

بیتکۆینی بلندبوونەکا دیرۆکی تۆمارکر و بهایێ ئێک بیتکۆین گەهشتە نێزیکى 108 هزار دۆلاران.

ل چاڤ دوهی بیتکۆینی بلندبوونەکا دیرۆکی تۆمارکر. ئەڤرۆ، چارشەمبییێ، 2025-5-21، بهایێ ئێک بیتکۆین گەهشتە نێزیکى 107 هزار و 955 دۆلاران.

هەروەسا بهایێ ئێک بیتکۆین ل چاڤ دوهی رۆژا سێشەمبی 2.5% بلندبوویە، ئەڤە د دەمەکی دایە بیتکۆینی بلندترین بها ل 22ـێ کانوونا دویێ یا سالا بۆری تۆماکربوو و گەهشتبوو 106 هزار و 140 دۆلاران.

 ل دویڤ گۆتنا شرۆڤەکارێن بازارێن دارایی بلندبوونا وی ژ ئەگەرێ دو دلییێ دناڤا بازارێن دارایی ل جیهانێ یە، ئەوژی هوشداری ژ بلندبوونا ئاستێ قەرزێن ئەمریکا و مەترسییێن بلندبوونا رێژەیا هەلاوسانێ ل بەندەرێن ئەمریکا ژ ئەگەرێ بڕیارێن سەپاندنێ یێن باجێ.

ل 2-3-2025، دۆنالد ترەمپ، سەرۆکێ ئەمریکا پێناسەیا گۆمرکی ئێخستە د وارێ بجهئینانێ و  د کۆنفرانسەکێ رۆژنامەڤانی دا ل کۆچکا سپی راگەهاندبوو: ئەز دێ فەرمانەکا دیرۆکی ئیمزا کەم و دێ تێدا باجێ ل سەر هەمی وەلاتێن جیهانێ سەپینم یێن کو باج ل سەر ئەمریکا سەپاندی.

هەروەسا دیار ژی کربوو: ئەڤرۆ ئێکە ژ گرنگترین رۆژێن دیرۆکا ئەمریکایە، دێ سەردەمێ زێرین یێ ئەمریکا دەستپێکەت.