گاڤ – تایبەت

کۆمەکا وەبەرهێنەران دێ نەخۆشخانەیەکا تایبەت ل ئاکرێ دامەزرینن. ئەندازیارەکێ سەرپەرشتیار یێ پرۆژەیی بۆ گاڤ راگەهاند؛ نەخۆشخانە یا 22 نۆشدارێن ئاکرێ نە.

کۆمەکا وەبەرهێنەران دێ نەخۆشخانەیەکا تایبەت ل ئاکرێ دامەزرینن. ئەڤرۆ، چارشەمبییێ، 2025-5-21، ئەندازیار شەجیع، سەرپەرشتیارێ پرۆژەیی بۆ شکێران زێبارى، پەیامنێرێ گاڤ راگەهاند؛ ئەڤ نەخۆشخانە یا 22 وەبەرهێنەرانە کو نۆشدارێن ئاکرێ نە. ل سەر رووبەرێ چار هزار مەترێن چارگۆشە هاتییە ئاڤاکرن.

دیار کر ژی؛ ل گەرەکا کوردستان ل سەر رێیا سیسمە دهێتە بجهئینان و بۆ خەلکێ ئاکرێ دێ گەلەک یا مفادار بیت چونکی ژبلی کلینیکێن نۆشداری، پترییا بەشان وەک تاقیگەهـ، دەرمانخانە، جهێن نەشتەرگەرییێ، ئافرەتان و رەنینێ، قەستەرە و میفراس تێدا هەنە.

گۆت ژی؛ بەشێ هەوارهاتنێ ژی هەیە و ئەو کەسێن نەخوازن بچنە یێن حکومی دشێن سەرەدانا وان بکەت.

دیار ژی کر؛ وان ئامیرەیێن گەلەک سەردەمیانە هەنە، هەروەسا نۆشدارێن بسپۆر وان هەنە و هندەک ژوان ل دهۆکێ ئیناینە.

ئاماژە ب هندێ ژی دا؛ هەتا نوکە پرۆژە ب رێژەیا 75% هاتییە بجهئینان و ل هەیڤا ئیلوونێ دێ تەمام بیت.