گاڤ

بەرشەلۆنا پاداشتێ راهێنەرێ خۆ دا و گرێبەستا وی درێژکر. یانەیا بەرشەلۆنا راگەهاند؛ گرێبەستا راهێنەرێ وان تا 2027ـێ یە.

یانەیا بەرشەلۆنا یا ئسپانی، ئەڤرۆ، چارشەمبییێ، 2025-5-21، پاداشتێ راهێنەرێ خۆ هانزی فلیکی دایێ و گرێبەستا وی درێژکر. بەرشەلۆنا د بەیانەکێ دا راگەهاند؛ راهێنەرێ ئەلمانی دێ ل گەل وان بەردەوام بیت و گرێبەستا وی تا 2027ـێ هاتە درێژکرن.

ل هاڤینا سالا بۆری فلیک ژبەر ئەنجامێن خراب ل شوینا چاڤی هێرناندێزی دەستبکاربوو.

فلیک د وەرزێ خۆ یێ ئێکێ دا ل گەل بەرشەلۆنا شیا سێ ناسناڤان بدەستخۆڤەبینیت، ئەوژی خۆلا ئسپانی، جاما شاهێ ئسپانیا و جاما سۆپەرا ئسپانی.