گاڤ – تایبەت

ل رۆژێن بۆری ژنەکا گۆمانلێکری یا تایا خوینبەربوونێ بۆ نەخۆشخانەیا ئازادی هاتبوو ڤەگوهاستن. پەیامنێرێ گاڤ راگەهاند؛ د پشکنینێن وێدا دیاربوویە هەلگرا نەخۆشییێ یە.

ل رۆژێن بۆری ژنەکا گۆمانلێکری یا تایا خوینبەربوونێ بۆ نەخۆشخانەیا ئازادی هاتبوو ڤەگوهاستن. ئەڤرۆ، پێنچشەمبییێ، 2025-5-22، یاسر عەبدولرەحمان، پەیامنێرێ گاڤ راگەهاند؛ پشکنینێن وێ هاتبوونە هنارتن بۆ بەغدا و د پشکنینێن وێ دا دیاربوویە هەلگرا نەخۆشییێ یە.

دیار ژی کر؛ ئەڤ ژنە بەرکەفتییا وێ ژنێ بوو یاکو بەری چەند رۆژان ژ ئەگەرێ تایا خوینبەربوونێ ژیانا خۆ ژ دەستدایی و ژیێ وێ نێزیکی 45 سالانە و خەلکا دەڤەرا شێلادزێ یە.

ل 2025-5-10، ژنەکا خەلکا دەڤەرا سنۆرێ ئامێدیێ ب تایا خوینبەربوونێ ژیانا خۆ ژ دەستدابوو و هەر خویشکا وێ ژنێ بوویە یا ئەڤرۆ د پشکنینان دا دیاربوویی کو هەلگرا نەخۆشییێ یە.