گاڤ

وەزیرێ دەرڤە یێ ئیرانێ د نامەیەکێ دا داخواز ژ نەتەوەییێن ئێکگرتی، جڤاتا ئاسایش و ئاژانسا ناڤدەولەتی یا وزەیا ئەتۆمی دکەت کو دەزگەهـ و ناڤەندێن ئەتۆمی یێن وەلاتێ وان بپارێزن.

عەباس عەراقچی، وەزیرێ دەرڤە یێ ئیرانێ، ئەڤرۆ، پێنجشەمبییێ، 2025-5-22، د نامەیەکێ دا داخواز ژ نەتەوەییێن ئێکگرتی، جڤاتا ئاسایش و ئاژانسا ناڤدەولەتی یا وزەیا ئەتۆمی دکەت کو دەزگەهـ و ناڤەندێن ئەتۆمی یێن وەلاتێ وان ژ هەر هێرشەکێ بپارێزن.

د نامەیا وان دا هاتییە ژی؛ هەر جۆرە گاڤەکا ئسرائیلێ دژی ئیرانێ، ئەمریکا دێ ژێ بەرپرس بیت، مافێ ئیرانێ یە هەر گاڤەکێ دژی هەر هێرشەکا سەر وەلاتێ وان بهاڤێت.

ئەو ژی گۆتییە؛ هەر هێرشەکا ئسرائیلێ بۆ سەر بەرژەوەندی، سەروەری و دەزگەهێن مە بهێتە کرن دێ بەرسڤێن توند هەبن.