گاڤ

ڤەکۆلینەکێ مفایێن کڤارکێ داینە دیارکرن و گۆتییە؛ ماددەیەک دناڤ کڤارکێ دا هەیە و یا ب مفایە بۆ نەخۆشییا پارکینسنێ.

دکتۆر ئیلێن برادلی، سەرپەرشتیارێ ڤەکۆلینەکێ ل زانکۆیا کالیفۆرنیا، مفایێن کڤارکێ داینە دیارکرن و گۆتییە؛ ماددەیەک دناڤ کڤارکێ دا هەیە و بۆ نەخۆشییا پارکینسنێ یا ب مفایە.

دیار ژی کرییە؛ ئەو ماددەیە هاریکارییا باشتکرنا دەروونی، هزرکرن و لڤینێ دکەت.

گۆتییە ژی؛ ئەم یێ دقویناغەکا دەستپێکی داینە لێ ئەنجامێن ڤەکۆلینا مە گەلەک ژوێ باشتر بوون یێن دهاتنە چاڤەرێکرن.

ئاماژە ب هندێ کرییە؛ پشتی هەیڤەکێ ژ بکارئینانا دەرمانی دێ هەست ب باشتربوونا دەروونی هێتە کرن.

پارکینسن نەخۆشییەکە کارتێکرنێ ل لڤینا مرۆڤی دکەت و ژ ئەگەرێ مرینا هندەک شانەیێن مێشکێ مرۆڤی دروست دبیت و هەتا نوکە چ چارەسەرییێن بلەز بۆ نە هاتینە دیتن.

ل گۆرەیی داتایێن رێکخراوا ساخلەمییا ساخلەمی ل سالا 2024 رێژەیا تووشبوویێن ڤێ نەخۆشییێ ل سەرانسەری جیهانێ گەهشتییە 10 ملیۆن کەسان.

نوکە ل ئەمریکا ئێک ملیۆن کەس تووشی نەخۆشییا پارکینسنێ بووینە و ل ئەمریکا هەر سال نێزیکی 60 هزار کەسان تووشی ڤێ نەخۆشییێ دبن.