گاڤ

یانەیا ریال مەدرید راگەهاند؛ ب شێوەیەکێ فەرمی کارلۆ نەما راهێنەرێ وان و یاریا بهێت دویماهی یاریا وی یە.

یانەیا ریال مەدرید، ئەڤرۆ، ئەینییێ، 2025-5-23، راگەهاند؛ ئەم و کارلۆ ئەنچیلۆتی گەهشتینە رێککەفتنێ کو دویماهی ب راھێنەرایەتییا وێ بهێت و ب شێوەیەکێ فەرمی کارلۆ نەما راهێنەرێ وان و یاریا بهێت دویماهی یاریا وی یە.

دیارکر ژی؛ باشترینێ بۆ وی زەلامێ وەک سەرکردە دخوازین یێ سەرکردایەتییا ریال مەدرید و تەپاپێ یا جیهانێ کری.

سەرۆکێ یانەیێ، فلۆرێنتینۆ پێرێزی ئاماژە ب هندێ دایە؛ کارلۆ بۆ هەردەم دێ وەک پشکەکا خێزانا مەزن یا مەدریدستا مینیت. شانازییەکا مەزن دکەین راهێنەرەکێ  ڤی شێوەیی هاتییە ل گەل مە و هاریکارییا مە کری کو گەلەک سەرکەفتن و دەستکەفتییان بدەستڤەبینین.

ئەوژی دیارکرژیی؛ ل سانتیاگۆ برنابیۆ سوبەهی دێ کۆنگرەیەکێ رێزگرتنێ بۆ وی هێتە سازکرن و دێ دویماهی یاریا خۆ برێڤەبەت.

پشتی 3 سال و 11 هەیڤێن راهێنەراتییا ریال مەدرید، ئەڤرۆ یانەیا ریال مەدرید چوونا ئەنچیلۆتی راگەهاند.

ئەنچیلۆتی ل گەل ریال مەدرید، خودانێ 3 چامپیۆنزلیگ، 2 لالیگا، 3 سۆپەرێن ئسپانی، 2 جامێن شاهی، 3 سۆپەرێن ئەورۆپی و 2 مۆندیالێن یانا یە.