گاڤ

وەزارەتا پەترۆلا ئیراقێ راگەهاند؛ هەمی دەمان پێشوازی و بزاڤێ دکەین ل گەل کۆمپانییێن ئەمریکی کاربکەین لێ پێدڤیبوو گرێبەستێن هەرێمێ ل گەل کۆمپانییێن ئەمریکی ب رێیا مە هاتبانە ئیمزاکرن.

وەزارەتا پەترۆلا ئیراقێ، ئەڤرۆ، ئەینییێ، 2025-5-23، د بەیانەکێ دا راگەهاند؛ هەمی پێشوازی و بزاڤێ دکەین ل گەل کۆمپانییێن ئەمریکی کاربکەین بۆ پێشڤەبرنا زەڤییێن پەترۆل و گازێ دکەین، لێ پێدڤیبوو گرێبەستێن هەرێمێ ل گەل کۆمپانییێن ئەمریکی ب رێیا مە هاتبانە ئیمزاکرن.

دیارکر ژی؛ ئەڤ کارێ هەرێمێ کری بەروڤاژی دەستووری یە.

ل 19-5-2025، د رێوره‌سمه‌كێ تایبه‌ت دا ل واشنتونا پایته‌ختێ ئه‌مریكا  ب بەرهەڤبوونا سەرۆکوەزیر مه‌سروور بارزانى، دو گرێبه‌ستێن مه‌زن د وارێ تێهنێ دا ب کۆژمەیێ زێده‌تر ژ 100 ملیار دۆلاران ل گه‌ل دو كۆمپانیێن ئه‌مریكى HKN و WesternZagros  هاتنه‌ ئیمزاكرن.

وه‌زاره‌تا ده‌رڤه‌ یا ئه‌مریكا دیاركربوو، ئه‌و ب ئیمزاكرنا گرێبه‌ستان ل گه‌ل كۆمپانیێن ئه‌مریكى و به‌رفره‌هكرنا بازرگانییێ د ناڤبه‌را ئه‌مریكا و هه‌رێما كوردستانێ دا د خۆشحالن.

ئاشكرا ژی کربوو، ئه‌ڤ جۆره‌ به‌رهه‌مئینانا گازێ دێ ئیراقێ بهێزتر كه‌ت و رێككه‌فتن دێ مفایى گەهینیتە هه‌ردو ئالییان.

ل 2025-5-22، سەرۆکوەزیر مەسروور بارزانى، ل ئەمریکا د پەنەلەکی دا راگەهاندبوو؛ رێککەفتنێن مە ل گەل  کۆمپانییێن ئەمریکا دێ خزمەتا هەمی وەلاتی کەن، دێ بۆ هەمی ئیراقێ د مفادار بن نەک بتنێ خەلکێ هەرێما کوردستانێ.

دیارکربوو ژی؛ مافەکێ بنەرەتی یێ هەر کەسەکی یە کارەب هەبیت، چەندین سالان خەلکێ مە د ڤێ کێشەیێ د دنالین.

گۆتبوو ژی؛ ژ ئەگەرێ کێمییا ژێدەران نەشیاین کارەبەکا تەمام بۆ خەلکی بەردەست بکەین و موەلیدە بۆ پرکرنا وێ ڤالاهییێ هاتنە پرکرن، لێ ئەگەر کار هاتە کرن دشیان دایە بۆ دەڤەرێن دی یێن ئیراقێ ژی بهێتە هنارتن.

دیار ژی کربوو؛ مە بزاڤ کرییە ب رێکا پرۆژەیێ رۆناکی کارەبا 24 دەمژمێری بۆ خەلکی بەردەست بکەین و ب بهایەکێ ئەرزانتر.

سەبارەت بەیانا بەغدا گۆتبوو ژی؛ ، ئەز هزردکەم پێدڤی بوو وان چاڤەرێکربا کا رێککەفتن ب چ شێوەیی نە، ئەڤ رێککەفتنە دێ خزمەتا هەمی وەلاتی کەن و دێ بۆ هەمی ئیراقێ د مفادار بن نەک بتنێ خەلکێ هەرێما کوردستانێ.

دیارکربوو ژی؛هەر کەسەک چاڤەرێی ڤان رێککەفتنایە و داخوازیت هەبیت چونکی دێ پتر کارەبێ بەرهەمئینیت ئەڤجا نوازنم بۆچی دژایەتی دهێتە کرن!.

سەبارەت نەیاسییا گرێبەستان گۆتبوو ژی؛ ب پشتراستیڤە د یاسایی نە، چونکی ڤان دو کۆمپانییان د چەندین زەڤیین جودا-جودا یێن هەرێمێ دا وەبەرهێنان کرییە و گرێبەستێن وان چووینە دادگەهێن بەغدا و سێ جاران د بەرژوەندییا حکومەتا هەرێمێ دا بڕیار هاتینە دان.

دیار ژی کربوو؛ بەرفرەهکرن و وەبەرهێنانا دو کۆمپانییان د زەڤییێن هەرێما کوردستانێ دا ب پشتراستی ڤە د یاسایی و دەستووری نە.

گۆتبوو ژی؛ دەستوورێ ئیراقێ ماف ب هەرێما کوردستانێ دایە رێککەفتنێن ب ڤی شێوەیی بکەت یێن کو ل ژێر کۆنترۆلا هەرێمێ، ئەڤجا ب پشتراستیڤە ئەو رێککەفتنە د دەستووری و یاسایی نە و هەر بڕیارەک یان بەیانەکا ل دژی وێ بهێتە دان بتنێ بەیانەکا سیاسی یە و نە چ دی.

واضاف، ان “تعاقدات وزارة النفط مستمرة مع الشركات الأمريكية في القطاعات النفطية الأخرى، كحفر الآبار والخدمات النفطية المصاحبة والخدمات الاستشارية، ولا يوجد لدى الوزارة أي مانع او تحفظ من التعامل مع هذه الشركات بقدر كون التعامل المباشر مع حكومة الإقليم بمعزل عن الحكومة الاتحادية وقنواتها الرسمية هو أمر مخالف للدستور العراقي والقوانين النافذة”