گاڤ - تایبەت

جەنازەیێ وی کەسێ ب رەگەز عەرەب یێ کو ل گوندێ چەمسیرمۆ د خابیری دا خەندقی هاتە دیتن.

نۆح سلێمان، پەیامنێرێ گاڤ راگەهاند، پشتی پتری دو دەمژمێر و دەهـ خۆلەکان، تیمێن نقومڤان یێن سەر ب بەرگرییا شارستانییا باژێرێ زاخۆ ڤە شیان تەرمێ محەمەدێ 22 سالی یێ ب رەگەز عەرەب ژ ئاڤێ بینە دەر و ل دویڤ دا لاشەیێ وی بۆ نوشدارییا داد ل وی باژێرێ هاتە رەوانەکرن.

پەیامنێرێ گاڤ دا زانین: پشتی لاشەیێ وی کەسی بۆ نوشدارییا داد دهێتە رەوانەکرن پۆلیس دێ دەست ب لێکۆلینان کەن ژبۆ کو ئەگەرێ درست یێن رویدانێ د زانن.

ل گۆرەی زانیارییێن پەیامنێرێ گاڤ، محەمەد ل گەل هەشت هەڤالێن خۆ یێن عەرەب بۆ دەم بوراندانێ هاتبوونە سەر خابیری، خەلکێ مووسل و شێخانن کو پێشتر بەری 10 رۆژان بۆ کرێکاریێ قەستا باژێرێ زاخۆ کربوو.