گاڤ

گەرا پێنجێ یا دانوستاندێن ئەتۆمی د ناڤبەرا ئیران و ئەمریکا ل رۆمایا پایتەختا ئیتالیا ب دویماهی هات، ئەڤ گەرە ژی یا ئێکلاکەر نەبوو.

بەدر بن حەمەد بوسەعیدی، وەزیرێ دەرڤە یێ عومانی ئەڤرۆ رۆژا ئەینی 23-5-2025ێ ل تورا جڤاکی یا ئێکسی دا نڤیسییە: پێنجەمین گەرا دانوستاندنێن ئیران و ئەمریکا ل رۆما ب دویماهی هات.

ئاماژە ب وێ یەکێ کر: د کۆمبوونێ دا هندەک پێشکەفتن هەبوون لێ یا ئێکلاکەر نەبوو و ئەو پرسێن ماین د چەندین رۆژێن بهێن دا دێهێنە روون کرن.

عەباس عێراقجی، وەزیرێ دەرڤە یێ ئیرانێ راگەهاند:'' ئەڤ جارە دانوستاندن پیشەیتربوون مە هەلویستێ خۆ ب روونی راگەهاند و هەلویستێ مە ئاشکرایە و ئالییێ ئەمریکی نوکە تێگەهشتنەکا باشتر هەیە.

ژ ئالییێ خۆ ڤە میدیایێن ئیرانێ بەری کۆمبوون ب دویماهی بهێت بەلاڤکر: ستیڤ ویتکۆڤ، هنارتییێ ئەمریکا بۆ رۆژهەلاتا ناڤین کو سەرۆکایەتییا شاندێ ئەمریکا دکر کۆمبوون ب جههێلا لێ دانوستاندان بەردەوام بوون.

دانوستاندنێن تەهران و واشنتۆنێ دەربارەی بەرنامەیێ ئەتۆمی یێ ئیرانێ ژ مەها نیسانا ئەڤ سالە دەستپێکرینە، ئەڤە دوەم جارە رۆما مێهڤاندارییا دانوستاندان دکەت سێ جارێن پێشتر ژی دانوستاندن ل مەسقەتا پایتەختێ عومانێ هاتبوونە کرن.