گاڤ

رۆسیا و ئۆکراینا لهەڤگۆهارتنا 780ێ دیلێن شەری و سڤیلان راگەهاند، سەرۆکێ ئەمریکا ژی د بێژیت: لهەڤگۆهارتنەکا مەزن تەمامبوو.

وەزارەتا بەرگرییا رۆسیا ئەڤرۆ رۆژا ئەینی23-5-2025ێ راگەهاند: 780 سەربازێن رۆسی و 120 سڤیلێن کو خەلکێ هەرێما کۆرسک بوون و ژ ئالییێ سوپایێ ئۆکراینا ڤە هاتبوونە گرتن هاتنە ڤەگەراندن، ل بەرامبەر دا  780ێ دیلێن شەری ل گەل 120 سڤیلێن ئۆکراینی ئەوان ژی رادەستی کیێڤ کرن.

ژ ئالییێ خۆ ڤە ڤۆلۆدیمێر زیلینسکی، سەرۆکێ ئۆکراینا ل تۆرا جڤاکی یا ئێکسی بەلاڤکر: قۆناغا ئێکی یا لهەڤگۆهارتنا 1000 بەرامبەر 1000 هاتە کرن ئەڤرۆ 390 کەس بوون و پێشبینی دکەین رۆژێن شەمبی و ئێکشەمبی بجهئینانا رێککەفتنێ بەردەوام بیت.

هەڤدەم دۆنالد ترەمپ، سەرۆکێ ئەمریکا د تۆرا جڤاکی یا ترۆس سۆشیال راگەهاند:" لهەڤگۆهارتنەکا مەزن یا دیلان هەر نوکە تەمام بوو، پیرۆزباهییێ ل هەردو ئالییان دکەم ل سەر ئەڤان دانوستاندان و پسیاردکەت و دبێژیت ئەرێ ئەڤە دێ بیتە ئەگەرێ تشتەکێ مەزن؟"

ل دەستپێکا ڤێ هەیڤێ مۆسکۆ و کیێڤ د دانوستاندنێن ستەنبۆلێ دا ل سەر وێ یەکێ رێککەفتن کو هەر ئێک ژ وان هزار دیلێن ئێکو دو ئازاد بکەن.