ئەمریکا بۆ وەلاتییێن خۆ: ب چ رەنگان سەرەدانا ئیراقێ نەکەن
بەلاڤ بکە
گاڤ
وەزارەتا دەرڤە یا ئەمریکا هۆشدارییەکا ئاست بلند دایە وەلاتییێن خۆ کو سەرەدانا ئیراقێ نەکەن، ئەگەر ژی تێکچوونا رەوشا ئەمنی یا دەڤەرێ یە.
وەزارەتا دەرڤە یا ئەمریکا گۆتییە: ژ بەر تیرۆ، رەڤاندن، ململانێیا چەکداری، نەئارامییا مەدەنی و شیانێن سنۆردار یێن حکومەتا ئەمریکا بۆ پێشکێشکرنا خزمەتگۆزارییێن هەوارهاتنێ بۆ وەلاتیێن خۆ، ب چ رەنگان گەشتێ بۆ ئیراقێ نەکەن.
وەزارەتا دەرڤە یا ئەمریکا دبێژیت: ژ ئەگەرێ ئەمنی، قەدەغەیە فەرمانبەرێن وان ل فرۆکەخانەیا بەغدا گەشتێ بکەن.
ئاماژە ب وێ یەکێ کریە: وەلاتییێن ئەمریکی ل ئیراقێ رووبرووی مەترسیەکا مەزن دبن، ژ وان ژی تۆندۆتیژی و رەڤاندن هۆشدارییێ ددەن کو گرۆپێن تیرۆرستی جوداخواز و میلیشیایێن دژی ئەمریکا بەردەوام هێرشێ دکەنە سەر هێزێن ئەمنی و وەلاتییێن سڤیل ووەلاتیێن ئەمریکی و کۆمپانیێن نێڤدەولەتی، هێرش ب بۆمبێن چاندی، مۆشەک و فرۆکەیێن بێفرۆکەڤان ل پرانییا دەڤەران و ب باژێرێن مەزن ڤە رووددەن.
وەزارەتا دەرڤە یا ئەمریکا داخوازێ ژ وەلاتییێن خۆ دکەت یێن کو ل ئیراقێ یان بریارا گەشتکرنێ ددەن، پلانا ئەمنی یا تایبەت بۆ خۆ بدانن خۆ ل بەرنامەیێ STEP تۆماربکەن ژ بۆ ب سانەهیکرنا پەیوەندیکرنێ ل دەمێ هەوارهاتنێ دا.
