گاڤ

میدیایێن ئیراقێ راگەهاند: ئەمریکا ب سەدان کارمەند و دپلۆماسییێن خۆ ژ ئیراقێ ڤەگوهاستن، ژ بەر پێشهات و  ئالۆزبوونا رەوشا ئەمنی ل دەڤەرێ.

ل گۆرەی زانیارییێن میدیایێن ئیراقی بەلاڤکرین: ژ بەر تێکچوون و ئالۆزبوونا رەوشێ و گەفێن ئیرانێ ل دەڤەرێ تا ئەڤرۆ سپێدێ ئەمریکا 700 کارمەند و دپلۆماسییێن خۆ ل بالیۆزخانەیا خۆ ڤەگوهاستینە.

میدیایێن ئیراقی ل گۆرەی زانیارییێن بەردەست وان پێشبینییا وێ یەکێ ژی کریە: کو د دەما بهێت دا سەرکردە و کەسایەتییێن سەربازی یێن ئەمریکی ژی ئیراقێ بجبهێلن.

ئەڤ گاڤا ئەمریکا ل دەمەکی هات، دوهی ئاژانسا رویتەرز ژ زارێ بەرپرسێن ئەمنی یێن ئیراقێ، راگەهاند؛ ژ ئەگەرێ زێدەبوونا مەترسییێن ئەمنی، واشنتون بەرهەڤییان دکەت بالیۆزخانەیا وەلاتێ خۆ ل بەغدا چۆل بکەت.