گاڤ

شڤێدی درەنگ دو خۆیشک ل سەر رێیا بەردەرەش بۆ هەولێرێ هاتنە کوشتن و ب تۆمەتا کوشتنێ 5 کەس هاتینە گرتن.

ل گۆرەیی زانیاریێن گاڤ، شێرزاد وەلاتییەکێ گوندێ ئامییانە کو ل سەر قەزایا بەردەرەش ڤە یە و ڤیایا خێزانا خۆ بۆ جەژنێ ببەتە مالا دایکا وێ لێ ل دەما زڤرینێ ل نێزیک گوندێ بشیرییان ل دەمەکی کێشە دناڤبەرا دو خینداران دا چێدبیت ئێک ژوان  د رەڤیت تەقێ ل هەڤدو دکەن ترومبێلا شێرزادی د کەڤیتە بەر گولەیێن وان د ئەنجام دا دو کچێن شێرزادی کو ئێک ژ وان ژیێ وێ 8 سال بوون یا دی ژی 10 سال ژیانا خۆ ژ دەست دا و شێرزاد و کچەکا وی ژی بریندار دبن.

مامێ وان هەر دو کچان بۆ گاڤ بەحسا رویدانێ دکەت و دبێژیت: ئەو نزانن بابەت چییە ئەوان چ پەیوەندیی ب کێشەیا وان دو بنەمالا ڤە نینە و دبێژیت: یاسا سەروەرە د خوازیت حکومەت لێکۆلینێ د رویدانێ دا بکەت.

ژ ئالییێ خۆ ڤە، پۆلیسێن ئاکرێ دەربارەی رویدانێ ئەڤرۆ راگەهاند: رویدانا شڤێدی ل کۆمەلگەها بشیریان چێبوویە، ژ ئەگەرێ کێشەیەکا جڤاکی دو ئالییان تەقە ل هەڤدو کرییە.

 پۆلیسان گۆت: ترومبێلەک کو 5 کەس تێدابوون ل وی دەمی ل وێ جاددەیی دەربازبوویە تەقە لێ هاتییەکرن کو چ پەیوەندیی ب شەری ڤە نەبوو و د ئەنجام دا دو خویشکێن 10 سالی و 8 سالی هاتینە کوشتن و ب تۆمەتا کوشتنێ 5 کەس هاتینە گرتن.