گاڤ

ئێکەتییا فۆتبۆلا ئیراقێ راگەهاند؛ پشتی سکالایا یانەیا شورتە ل سەر مەسعوود میرال، راهێنەرێ بەرێ یێ یانەیا دهۆک، ب سالەک دویرئێخستن ژ یاریگەهێ و 50 ملیۆن دینارێن ئیراقی هاتە سزادان.

ل 2025-5-19، فدراسیۆنا تەپاپێ یا ئیراقێ راهێنه‌رێ یانه‌یا دهۆكێ سزا دا و ئەوبوو ئێدی نابیت راهێنانان ب یاریكه‌ران بكه‌ت، ب چ ره‌نگان ژى نابیت بچیته‌ د ناڤا یاریگه‌هان دا و قه‌ده‌غه‌یه‌ هه‌مى چالاكیێن وه‌رزشى یێن گرێدایى ته‌پاپێ بكه‌ت.

ئێکەتییا فۆتبۆلا ئیراقێ، ئەڤرۆ، دوشەمبییێ، 2025-6-16، د بەیانەکێ دا راگەهاند؛ ب پشتبەستن ل سەر سکالایا یانەیا شورتە ل دویڤ نڤیسارا ژمارە 773 ل 2025-5-22، ل دژی مەسعوود میرال، راهێنەرێ یانەیا دهۆک، دیار دبیت کو راهێنەرێ ناڤبری سەرپێچی کرینە.

دیارکر ژی؛ راهێنەرێ بەرێ یێ یانەیا دهۆک، ب پشتبەستن ب بڕگەیێن ماددەیێ )أ-5-48( و ماددەیێ 11 ژ رێسایێن پێگیری و رەوشتی بۆ وەرزێ (25-24) ب سالەک دویرئێخستن ژ یاریگەهێ و 50 ملیۆن دینارێن ئیراقی هاتە سزادان.

ئەڤە د دەمەکی دایە، پێشتر میرال ب شەش هەیڤێن دویرئێخستنێ و 25 ملیۆن دینارێن ئیراقی هاتبوو سزادان.