گاڤ

وەزیرێ دەرڤە یێ ئیرانێ راگەهاند؛ ئارمانجا بنیامێن نەتەنیاهۆیی ژناڤبرنا رێککەفتنا ئیران و ئەمریکا بوو لەوما دەست هاڤێتە هێرشان.

ل رۆژا ئەینی ئسرائیلێ هێرش کرە سەر ئیرانێ و سێ رۆژە ب بەردەوامی هەردو ئالی ب مۆشەکان بەرسڤا هەڤدو ددەن و زیانێن گیانی و ماددی یێن مەزن گەهشتینە هەردو ئالییان.

عەباس عەراقچی، وەزیرێ دەرڤە یێ ئیرانێ، ئەڤرۆ، دوشەمبییێ، 2025-6-16، راگەهاند؛ ئارمانجا بنیامێن نەتەنیاهۆیی، سەرۆکوەزیرێ دەرڤە یێ ئسرائیلێ، ژناڤبرنا رێککەفتنا ئیران و ئەمریکا بوو لەوما دەست هاڤێتە هێرشان.

دیارکر ژی؛ بەری شەڕی، ئیران و ئەمریکا ل سەر رێکا دروستبوون بۆ رێککەفتنێ.

گۆت ژی: نەتەنیاهۆ یارییێ ب سەرۆکێ ئەمریکا و باجدەرێن ئەمریکا دکەت، تاوانباران ل تەلئەڤیڤ خۆ دناڤ پەناگەهان دا ڤەشارتییە، بێی سزا ل سەر وان نابۆریت.