گاڤ

سەرۆکێ ئەمریکا راگەهاند؛ ئەز هۆسا نابینم ئیران د ڤی شەڕی دا ئیران سەربکەڤیت، ئەڤ رەوشە بۆ هەردو ئالییان یا ب ئازارە.

ل سپێدەهییا 13ێ خزیرانێ، ئسرائیلێ هێرشەکا بەرفەرهـکرە سەر ئیرانێ و ژمارەکا مەزن یا فەرماندارێن سەربازی و زانایێن ئەتۆمی یێن ئیرانێ کوشتن و هەتا نوکە هەردو ئالی ب بەردەوامی هێرشێن مۆشەکی دکەنە سەر هەڤدو.

دۆنالد ترەمپ، سەرۆکێ ئەمریکا، 2025-6-16، راگەهاند؛ ئەز هۆسا نابینم ئیران د ڤی شەڕی دا ئیران سەربکەڤیت، پێدڤییە بلەز و بەری کار ژ دەستان دەربکەڤیت، ئیران ڤەگەریتە سەر مێزا دانوستاندنان.

دیارکر ژی؛ پێدڤییە بگەهنە رێککەفتنێ، ئەڤ رەوشە بۆ هەردو ئالییان یا ب ئازارە.

هەتا نوکە ئەمریکا و ئیرانێ پێنج گەڕێن دانوستاندان بڕێڤەبرینە و بڕیار بوو ل رۆژا ئێکشەمبییێ گەڕا شەشێ بهێتە بڕێڤەبرن لێ ژبەر هێرشێن ئسرائیلێ هاتە هەلوەشاندن.

گەڕا ئێکێ ل  2025-04-12 ل مەسقەتا پایتەختێ عومانێ هاتبوو برێڤەبرن.  ئەڤە ژی بۆ هندێ بوو بگەهنە رێککەفتنێن دپلۆماسی و رێگرییا ژ هێرشێن سەربازی.

گەڕا دویێ ل 2025-4-19 ل رۆمایا پایتەختێ ئیتالیا هاتبوو برێڤەبرن. وەزارەتا دەرڤە یا عومانێ، راگەهاندبوو؛ هەردو ئالی ل سەر هندێ رێککەفتن نابیت ئیران ببیتە خودان چەکێ ئەتۆمی و سزایێن ل سەر وێ ژی بهێنە هەلوەشاندن.

گەڕا سێیێ ل 2025-4-26 ل عومانێ هاتبوو برێڤەبرن. پەیڤدارێ وەزارەتا دەرڤە یا ئیرانێ، بۆ میدیایێن وەلاتێ وان گۆتبوو؛ دانوستاندنێن مە یێن نەراستەوخۆ ل گەل ئەمریکا د سه‌قایه‌كێ جددی دا د بەردەوامن، مە بۆچوونێن خۆ ل دۆر کێمکرنا سزایان و بەرنامەیێ ئەتۆمی ئالۆگۆر کرن.

گەڕا چارێ ل 2025-5-11 ل عومانێ هاتبوو برێڤەبرن. عەباس عەراقچی، وەزیرێ دەرڤە یێ ئیرانێ راگەهاندبوو؛  ل چاڤ جارێن بۆری دشێین بێژین ئەڤ جارە دانوستاندن پتر د رژد بوون.

گەرا پێنجێ ل 2025-5-23 ل ئیتالیا هاتبوو برێڤەبرن، وەزیرێ دەرڤە یێ عومانی راگەهاندبوو؛ د کۆمبوونێ دا هندەک پێشکەفتن هەبوون لێ یا ئێکلاکەر نەبوو و ئەو پرسێن ماین د چەندین رۆژێن بهێن دا دێ هێنە رۆن کرن.