گاڤ

دەرزییەک بۆ رێگریکرن ژ تووشبوونا ب ڤایرۆسێ HIV پەسەندکر و پێدڤییە سالێ بتنێ دو جاران بهێتە دانان.

رێکخراوا خوارن و دەرمانان یا ئەمریکی راگەهاند؛ دەرزییەک ب ناڤێ لیناکاپاڤیر بۆ رێگریکرن ژ تووشبوونا ب ڤایرۆسێ HIV هاتە پەسەندکرن و ب رەنگەکێ بەرچاڤ دێ مەترسییا تووشبوون ب هەودانان کێمبکەت.

دیارکر ژی؛ ئەڤ دەرزییە ب تەمامی دشێت رێگرییێ ل تووشبوونا ڤایرۆسێ ناڤبری بکەت.

دا زانین ژی؛ پێشتر ئەڤ ڤایرۆسە بۆ هەودانێن گرێدایی ڤایرۆسێ HIV دهاتە بکارئینان.

گۆت ژی: ئەو کەسێن چارەسەرییا ڤایرۆسێ HIV وەردگرن، پێدڤییە سالێ بتنێ دو جاران دەرزییا ناڤبری بدانن.

ڤایرۆسێ HIV دبیتە ئەگەرێ نەخۆشییا ئایدزێ، بۆ رێگریکرن و کێمکرنا تووشبوونا ڤایرۆسێ ناڤبری، پێشتر ب رێیا حەبکا Truvada بزاڤ دهاتە کرن مەترسییا ڤایرۆسی بهێتە کێمکرن و هەردو هەیڤان جارەکێ دەرزییا Apretude بۆ وان کەسان دهاتە دانان.