16ی تهباخێ، بیرهوهرى و ناڤهرۆكا رەوت و ئاراستەى
فازل میرانى
ژبەرکو ئەز پێشمەرگەیەکێ پارتى مە، لەورا بۆ نڤیسینا گۆتارەکێ ل هەلکەفتا دامەزراندنا حزبێ، وەسا پێدڤیە ئەز ب وان پەیڤان دەستپێ بکەم، کو پەیامەکن و د بەیانا خەباتا مەدا هاتینە، لەورا دێ ژێدەرێن مە یێن شەرعی بکار ئینم و ژ ڤێ دەستپێ کەم:
ئەی گەلێ کورد ل پارچەیێن کوردستانێ..
کەسوکارێن شەهیدێن نڤش ل پشت نڤشێن خەباتا مە یا پڕى سەروەری
ئەی ئەو رووحێن ب دلنیایی و رازیبوون ڤەگەڕاینە لایێ یەزدانێ مەزن، پشتی کو مەزنترین تشتێ خودای دایە وە، وە ژ پێخەمەت ئازادیێ کریە قوربان.
بارزانیێ نەمر و ئدریس بارزانیێ د وژدانێ دا د زیندی
سەرۆکاتیا هەرێما کوردستانێ و پەرلەمان و حکومەت و فراکسیۆنا پەرلەمانی و نوینەرێن د دەستهەلاتا فیدرال دا
پێشمەرگەیێن کوردستانێ، ئەوێن دەستێن وان ل سەر جەلەبکا چەکی بۆ پارێزگاریا پیرۆزیێن بارەگایێن حزب و لق و نڤیسینگەهـ و ئێکەتیێن خەباتکەر سست نەبووین.
پارتیا وە پارتی دیمۆکراتی کوردستان، شەمالکەکا دی یا ژیێ خۆ ڤەدمرینیت، پارتیا وە ژ ناخێ ڤی نەتەوەی ژدایک بوویە، بلەز بەلاڤ بوویە و ئالایێ زەر بلند کریە، کو ژ سەلاحەدینێ ئەیووبی بۆ مایە.
شانازیێ بالێ خۆ ب سەر وێ دا کێشایە، داستانەکە د ژیانا هەموویان دا دیاردبیت، هەر ژ رۆژا مەلا مستەفایێ بارزانی زانست و چەک بۆ بەرهنگاریا زولم و زۆرداریێ هەلگرتی، بێی هزرەکێ بۆ سوپایێن وان دەولەتان بکەت کو مێژوویێ ژبەر هۆڤاتیا وان خستنە د گۆشەیا ریسوایێ دا، لێ بارزانی نەتەوەیا خۆ خستە د گۆپیتکا سەرکێشی و سەربلندیێ دا.
پارتی تا نوکە ژی ب هەمان هیممەتا سەرکردەیێ خۆ ل سەر کارکرنێ بۆ بدەستڤەئینانا دەستکەفتێن گەلی بەردەوامە، قووناغان دبڕیت و پێشبڕکیێ ل گەل شەڤ و رۆژان دکەت، تاکو نەتەوەیا مە ڤەنەگەڕیتە وی سەردەمێ دوژمنێن ئازادیێ چارەنڤیس کربوو د دەست خۆ دا و هەروەسا دخواست ب پیلانێن خۆ یێن کێم مە بحەلینن، کو بتنێ زیان و مالوێرانی د دویڤ دا هات.
پارتیا وە، پارتیا تێکۆشین و خەبات و جیهادێ یە، پارتیا سەنگەرێ ئارامیێ و پاراستنێ و شۆرەشێ و سەرکەفتنانە، بەری نوکە و نوکە ژی ل گەل، ب هەبوونا وە پارتی هەر دێ خودان دەستکەفت و پێشکەفتن بیت و دێ گەش مینیت. جهێ شانازیێ یە بۆ ژن و زەلام و گەنج و پیر و زارۆکان، کو ب درێژاهیا ژیێ ڤێ پارتیێ و ژیێ تەڤگەرێن خەباتا وێ، ئێک رێباز ئەم کۆم کرینە، ژ وی سەردەمێ باب و باپیرێن مە ژ کەڤن دا ب پەیڤا ئازادیێ هشیار بووین و خۆ بۆ جانفیداییێ ئامادە کریە.
گەلێ مە یێ راستگۆ و رەسەن یێ بەرهنگاری شەڕ و سیاسەتێن وان کەسان بووی یێن ئەم ئازار داین و بزاڤێن ژناڤبرنا مە کرین، جیهان هەموو فێری وانەیێن رژدبوون و پێشکەفتن و سەرکەفتنێ کر، پرۆسەیێن ئەنفالێ نەشیان ئیرادەیا مە بەند بکەت، چەکێ کیمیایی ژی هەناسەیا مە نەبڕی، وەریسێ سێدارێ یێ جەلادان ژی نەشیا سەرێ مە ژ لەشێ مە ڤەکەت، د ناڤ زیندانان ژی دا ب ئەشکەنجێ خوینا مە نەڕست و هشت نەبوو، گلگەنا نەتەوەیی یا ڤی گەلی ب زولم و هۆڤاتیا داگیرکەرێن ئاخ و ژیانێ ژناڤ نەچوو و نەحەلیا.
چ موعجیزەیا خەباتەکێ یە بۆ نەتەوەیا مە کو سەرۆک مەسعوود بارزانی سەرۆکاتیا وێ بکەت و ل گەل وان خەباتکارێن ل گەل درێژیێ بدەتە رێبازا بابێ خۆ، کو بێهنا پاقژیا رویبارێ ئاراس ژێ دهێت و دەروونێ وان ب وێ رۆناهیێ گەش بوویە، هەر دەمێ تاڕیاتی هات، رێکا رۆن دکەت.
هەڤالان. خویشک و برایان، هەموو رێبازا مێژووی یا خەباتا کوردان شانازیێ ب گیانێ خەباتێ دبەت و د ناڤ وێ رووحێ دا، پارتیا وە ژیانەکا نوی دکەتە رۆژەڤ، ژیانەکە کەرامەت و پێشڤەچوونێ دچینیت، ل سەر وێ ئاخا ب درێژاهیا رووبرووبوونا د ناڤبەرا خێر و شەڕی دا بوویە رەژی.
ئەی ئەوێن وە قوربانی داین، پارتیا وە پارتی دیمۆکراتی کوردستان، چ دەمان هوین بێئومێد نەکرینە و بە بێئومێد ناکەت ژی. پارتیا وە کابویسا شۆڤینیەتێ ژناڤ بر، پشتی د چەندین گەڕێن مەزن دا بەرهنگاری وێ کابویسێ بووی و مێژوویێ ژی ب شانازی تۆمار کری.
پارتیا وە پشتی حەفتێ و شەش سالێن خەباتێ، خودانا مەزنترین میراتێ بەرگریێ و قوربانیانە. ئەو خودانا ئارمانجا پیرۆز و بناغەیەکێ کویرتر و بلندترین بنیاتە. جەماوەرێ پارتیا وە هندی بەرفرەهیا ئاخا کوردستانێ و رەڤەندا کوردی بەربەلاڤە، هەر تاکەکێ ڤی گەلی وەکو کانزایەکی دهێتە هەلگرتن و بەرانبەر کەسێن دی شانازێ پێ دهێتە برن.
ئەی ئەو نڤشێن ل سەر ڤێ رێبازێ بەردەوام، پارتیا وە پارتی دیمۆکراتی کوردستان پارتیا خەباتگێرا وەیە کو ژ باب و دایک و باپیران بۆ وە مایە. پارتیا شۆرەش و راپەڕین و سەرهلدانا وەیە. هوین ژی ب گیانێ ئەوێن بەری وە خۆ چەکدار بکەن، ئەوێن بەرهنگاریا زلهێزان کری، تاکو رۆژا ئەڤرۆ بۆ وە بهەلێت. هوین ژی مەزنێن ڤی نڤشی نە، تاکو نڤشەکێ دی د دویڤ وە دا بهێت و شانازیێ ب وێ رێبازێ ببەن یا وە هەلگرتی.
پارتیا خەباتکارا وە چ ئامانج د ناڤ جڤاکی دا نەهێلاینە کو بزاڤێن بدەستڤەئینانا وان نەکربن. هوین ژی ئەی هەڤالان، چاڤ و زمان و دەست و پارێزەرێن وێ بن. مە کار کریە و بۆ پیرۆزترین ئامانج و باشترین دەستکەفت بۆ وە ل گوند و باژێڕ، بیستان و زانکۆیان، د مەیدانێن هەمەجۆر دا کار دکەین.
خەباتا پارتیا وە ب وێ رابەریا کو هەڤشێوەیا وێ نینە، مستەفا بارزانیێ نەمر و سەرۆک مەسعوود بارزانی (خودا ژیێ وی درێژ بکەت) بەرهەمێ سەرکەفتنێ د دویڤ خۆ دا ئینا. ئەو زیان و زولم داینە لایەکی کو وەکی قەید و زنجیران د پێیێن نەتەوەیا مە ئالیابوون. ئەو بوو ب هیممەتا وە و سەرکرداتیا وە ئەو قەید و زنجیر هاتنە شکاندن.
ئەی هەڤالێن خویشک و برا. وە گەلەکێ رەسەن و پاقژ و بهێز ئینا رۆژەڤێ، کو جوانترین وێنەیێ بەردەوامیا ژیانێ یە. رەز و باغێن مە کو دوژمنان ب مینان چاندبوون، ب هیممەتا جۆتکارێن مە خێر ژێ بەرهەم دهێت. ئەم ژی ب رێکا یاسایێ و حکومەتێ کار دکەین کو ئەڤ خێرە زێدەتر بیت و ژیانا جۆتکارێن مە ژ هەژیتر بیت.
وە هەڤچەرخی دا باژێڕێن مە، ب رەنگەکی کو چ تشتەک نەشێت زیانان بگەهینیتە ئاشتیا جڤاکی. وە بەهایێن جڤاکی، پرەنسیپێن نەتەوەیی و پرۆگرامێ پارتیا مە چەسپاند. وە هەڤدو قەبیلکر و دەمارگیری رەت کر.
ئەگەر ب وژدان بەرێ خۆ بدەینە ژیێ پارتیا مە ژ سالا 1946ێ تا ئەڤرۆ، بەسە کو بێی گومان بێژین: پارتیەکە و مەزنتر ژ پارتیەکێ. پارتیەکە حەلیایە ناڤ لەشێ نەتەوەیا خۆ یا مەزن و نشتیمانپەروەریێ دا، کو ل هەر جهەکی نشتیمانپەروەری هەبیت، ئەو ل وێرێ یە و ئەگەر نشتیمانپەروەری ژ رێکا خۆ دەرکەفت ژی، ل وی دەمی مل ب ملێ خێرخوازان دێ کار بۆ ڤەگەڕاندنا وێ بۆ سەر رێکا دروست کەین.
مە د هەردو شۆرەشێن ئیلوون و گولانا پێشکەفتنخواز دا و د کارێ ئۆپۆزسیۆنا هەڤپشک دا مە هەر گاڤەکا پێدڤی ل سەر ئەردێ واقعی هاڤێت و ب هەموو دەنگ و زمانان خزمەتا بدەستڤەئینانا ئامانجێن ژهەژی یێن گەل و نشتیمانێ خۆ کر کو خودایێ مەزن ئەم ل سەر داینە، لێ ب چ رەنگان مە چاڤ ل زۆرداران نەکر و چ ئالی پەراوێز نەکرن.
بارزانیێ نەمر ئەم فێر کرینە کو ب سەر هەموو رێکان سەربکەڤین یێن بەربەست بۆ گەهشتنێ ب مافێن خودایێ مەزن داینە مە، تێدا هەین.
خویشک و برایان، هەڤالان، هوین دشێن شانازیێ ب مێژوویا پارتیا خۆ ببەن کو مافناسی یە و خەلکێ دی ژی پێگەهێ وێ ناسی و پارتیەکا جەماوەریه کو دەستبەرداریێ ناکەت، د قوربانیدانێ دا پاش ناکەڤیت، گوهـ نادەتە پرۆپاگندەیێن دوژمنان. رووبرووکارەکا بهێز و رەسەنە و هەڤڕکیێ ناکەت، بەلکو سەرکرداتیێ دکەت و کەس سەرکرداتیا وێ ناکەت.
خەلکێ مە د کوردستانا ب قەدر و قیمەت دا، ب رێز ڤە هەلکەفتا ب هیممەتا پارتیا وە دکەن کو بۆ رووبرووبوونا زولمێ بوو، تاکو نەتەوەیا مە ژ زولم و دەردەسەریا رژێمێن پێشتر رزگار بووی. هەروەسا د ڤێ رێکا دژوار دا، د ژیوارێ دژوارێ هەرێمی و نێڤدەولەتی دا گەڕیاین تاکو وان ئالایان بلند بکەن یێن بناغە هەی، بناغەیێ ژێڕخان و وەبەرهێنانێ د مرۆڤان دا کو سەرمایەیا مسۆگەرا پێشڤەچوونێ نە.
پارتیا مە پێشتر و ل پاشەرۆژێ ژی دێ بەرژەوەندیا نەتەوەیا خۆ ل سەر هەموو بەرژەوەندیێن دی زال کەت. ل گەل مللەتێ مە نموونەیەک بوو بۆ درێژیپێدانا پێشڤەچوونێ، هەردەم قوربانی ب دەستکەفتێن خۆ یێن حزبی دایە کو یێن غەیری مە ل ژێر درووشمێن نەدروست ئەڤ یەکە د بەرژەوەندیا خۆ دا بکار ئینایە.
ئەی کوڕێن گەلێ مە. پارتیا وە ب رێکا حکومەتا هەرێما کوردستانێ گەلەک دەستکەفت پێشکێش کرینە، گرنگترینا وان پێشکێشکرنا هزرا شەراکەتا راست. پارتی و حکومەتا هەرێما کوردستانێ ب هشیاری و بەردەوام و جددی کار بۆ پێدڤیاتیێن تاکێ کوردستانێ و ئاساییش و خۆشیا ژیانا وی دکەت.
ل دەمێ بەرێز نێچیرڤان بارزانی بوویە سەرۆکێ حکومەتا هەرێما کوردستانێ، چەندین بناغەیێن کاری داڕشتن کو ب ئەگەرێ دیتن و هزرێن وی و هاریکاریا تیمێن وەزاری دەستکەفت بەرەڤ زێدەبوونێ چوون و ب هەموو ئاراستەیێن ژ دەرڤە و ژ ناڤ دا گاڤ هاتنە هاڤێتن داکو بەرژەوەندیێن گەلێ هەرێما کوردستانێ ل گوند و باژێڕ و باژێڕکان دا بدەستڤە بهێن. وی هەموو شیانێن خۆ بکار ئینان و هەموو ئامرازێن پێدڤی خستنە خزمەتێ داکو پێدڤیاتیێن وەلاتیان بلەز بدەستڤە بینیت.
خزمەتگۆزاریێن پەروەردە، ساخلەمی، یاسا، و رەوشەنبیری زێدە بوون و هاتنە رێکخستن. پەیوەندیێن حکومەتێ و دەستەیێن وێ ل گەل جڤاکا نێڤدەولەتی و نەتەوەیێن ئێکگرتی و رێکخراوێن هاریکاریان زێدە بوون. ئەو حکومەتێن بەرێز نێچیرڤان بارزانی دامەزراندین، شیان ببنە ئەگەرێ زێدەبوونا شارەزاییا ئەدایێ حکومەتێ کو دیتنێن پەراوێزکرنێ یێن حکومەتێن بەری 2003یێ ژیانا تاکێ کورد کونترۆل کری، رامالین.
ئەو بوو حکومەتا کوردستانێ بۆ جهێ باوەریا گەلێ مە و حێبەتیبوونا جڤاکا نێڤدەولەتی. ژبەر وێ پێشکەفتنا د وارێ دادپەروەریێ دا هەرێما کوردستانێ ب خۆڤە دیتی کو ل سەر دەمێ سالێن دکتاتۆریەتێ دا نەبوو. جەنابێ وان یێ بەڕێز ر